માફિયા મુખ્તાર અંસારીને સુપ્રીમ કોર્ટમાંથી મોટી રાહત મળી છે. સુપ્રિમ કોર્ટે મુખ્તાર અંસારીને આપવામાં આવેલી સાત વર્ષની સજા પર વચગાળાનો સ્ટે મુકી દીધો છે. જેલરને ધમકાવવાના કેસમાં હાઈકોર્ટની લખનૌ બેન્ચે મુખ્તાર અંસારીને સજા સંભળાવી હતી. મુખ્તાર પર આરોપ છે કે તેણે 2003માં જેલરને મારી નાખવાની ધમકી આપી હતી. નીચલી અદાલતે મુખ્તારને નિર્દોષ જાહેર કર્યો હતો. નીચલી કોર્ટના નિર્ણયને પલટાવતા હાઈકોર્ટે મુખ્તારને સાત વર્ષની જેલની સજા ફટકારી હતી.
મુખ્તાર અંસારી હાઈકોર્ટ દ્વારા આપવામાં આવેલી સજા વિરુદ્ધ સુપ્રીમ કોર્ટમાં પહોંચ્યા હતા. મુખ્તાર અંસારીના ભાઈ સાંસદ અફઝલ અંસારીના જણાવ્યા અનુસાર સુપ્રીમ કોર્ટે સજા પર સ્ટેની સાથે અંતિમ સુનાવણી માટે ફાઈલ મંગાવી છે. જેમાં રાજ્ય સરકારને પણ વળતો સમય આપવામાં આવ્યો છે.
વર્ષ 2003માં તત્કાલિન જેલર એસકે અવસ્થીએ મુખ્તાર વિરુદ્ધ આલમબાગ પોલીસ સ્ટેશનમાં એફઆઈઆર નોંધાવી હતી. જે મુજબ મુખ્તાર અંસારીને જેલમાં મળવા આવેલા લોકોની શોધખોળ કરવાનો આદેશ આપવામાં આવશે તો તેને જાનથી મારી નાખવાની ધમકી આપવામાં આવી હતી. આ સાથે જ તેની સાથે દુર્વ્યવહાર કરતા મુખ્તારે તેની તરફ પિસ્તોલ પણ તાકી હતી.
આ કેસમાં ટ્રાયલ કોર્ટે મુખ્તારને નિર્દોષ જાહેર કર્યો હતો. તેની સામે સરકારે અપીલ દાખલ કરી હતી. આ વર્ષે 21 સપ્ટેમ્બરના રોજ અલ્હાબાદ હાઈકોર્ટની લખનૌ બેંચમાં જસ્ટિસ દિનેશ કુમાર સિંહની સિંગલ બેંચે રાજ્ય સરકારની અપીલ સ્વીકારતા મુખ્તાર અંસારીને દોષિત ઠેરવ્યો હતો અને તેને 7 વર્ષની જેલની સજા ફટકારી હતી.
