હિમાચલ: તીર્થયાત્રીઓની કાર 150 ફૂટની ખાઇમાં પડી જતા 8નાં મોત

હિમાચલના વિલાસપૂર જિલ્લાના સ્વારઘાટમાં એક કાર ખાઇમાં પડી ગઇ છે. કારમાં સવાર 8 લોકોના ઘટનાસ્થળે જ મોત થઇ ગયા છે, તમામ મૃતકો અમૃતસરના રહેવાસી છે. તમામ યાત્રીઓ રજાઓ માણવા માટે હિમાચલમાં આવેલા મણિકર્ણ સાહેબના ગુરૂદ્વારેથી આનંદપૂર સાહેબનો વિસ્તાર જોવા માટે જઇ રહ્યા હતા, તે દરમિયાન આ ઘટના બની છે. ગાડીમાં 9 લોકો સવાર હતા જેમાંથી 8ના મોત થઇ ગયા છે. જ્યારે 1ની હાલત ગંઘીર છે.
પોલીસ સૂત્રો દ્વારા મળતી માહિતી મૂજબ અમૃતસરના 9 લોકો હોળીની રજાઓ માટે મંગળવારે હિમાચલના મણિકર્ણ સાહેબના ગુરૂદ્વારે જઇ રહ્યા હતા. તે દરમિયાન આનંદપૂર આવતા ગુરૂવારે રાત્રે 10:30 વાગે સ્વારઘાટ પાસે 150 ફૂટ ઉંડી ખાઇમાં પડી ગઇ હતી, આટલી ઉંચાઇથી ગાડી ખાઇમાં ખાબકવાના કારણે ગાડીનો કુચ્ચો થઇ ગયો હતો. જેમાંથી એક જ વ્યક્તિને જીવતો બહાર કાઢવામાં આવ્યો હતો. જ્યારે તેની પણ હાલત ગંભીર છે. મોતને ભેટેલા તમામની ઉમર 25થી35 વર્ષની છે.