ભયાનક ચક્રવાતી વાવાઝોડાની દસ્તક, 5 દેશોમાં ઈમર્જન્સી અને હાઈ એલર્ટ, કેટલું ખતરનાક છે ટાઇફૂન રાગાસા?
પેસિફિક મહાસાગરમાંથી ઉઠેલું ચક્રવાતી વાવાઝોડું રાગાસા (Ragasa) 5 દેશો – થાઇલેન્ડ, ફિલિપાઇન્સ, ચીન, તાઇવાન અને હોંગકોંગમાં વિનાશ મચાવવા માટે તૈયાર છે. આ વાવાઝોડું 18 સપ્ટેમ્બરના રોજ સક્રિય થયું હતું અને 21 સપ્ટેમ્બર સુધીમાં સુપર ટાઇફૂન બની ગયું છે. વાવાઝોડાની તીવ્રતાને જોતા, પાંચેય દેશોમાં ઇમરજન્સી જાહેર કરવામાં આવી છે. ફ્લાઇટ્સ અને શાળાઓ-કોલેજો બંધ કરી દેવામાં આવી છે અને દરિયાકિનારાના વિસ્તારોને ખાલી કરાવવામાં આવ્યા છે.
વાવાઝોડાની ગતિવિધિ
18 સપ્ટેમ્બર, 2025ના રોજ ફિલિપાઇન્સ નજીક પૂર્વ પેસિફિક મહાસાગરમાં એક હળવા દબાણનો વિસ્તાર બન્યો, જે 20 સપ્ટેમ્બર સુધીમાં ઉષ્ણકટિબંધીય પવનોમાં ફેરવાઈ ગયો. 21 સપ્ટેમ્બરની સવાર સુધીમાં આ પવનોએ સુપર ટાઇફૂનનું સ્વરૂપ ધારણ કર્યું. જાપાને તેને રાગાસા અને ફિલિપાઇન્સે નાન્ડો નામ આપ્યું.
આ વાવાઝોડું 21 સપ્ટેમ્બરના રોજ ફિલિપાઇન્સના કાઝાયન નજીક દરિયાકિનારાથી 450 કિલોમીટર દૂર હતું, જે આજે 22 સપ્ટેમ્બરના રોજ લુઝોન સ્ટ્રેટ પાર કરીને કાલે 23 સપ્ટેમ્બરના રોજ દક્ષિણ ચીન સાગરમાં પ્રવેશ કરશે અને પછી હોંગકોંગ-થાઇલેન્ડ થઈને આગળ વધશે. 24 સપ્ટેમ્બર સુધીમાં આ વાવાઝોડું નબળું પડી જશે.
Video coming out of Balatubat, Camiguin Island, Cagayan from over an hour ago showing the strong winds and big waves as Super Typhoon #NandoPH (#RAGASA) approaches.
Babuyan Island is expected to feel the worst of the storm where 19,000 people lives.
🎥: Elma Mariano pic.twitter.com/IpTMPHV8zY
— StormHQ ☈ (@StormHQwx) September 22, 2025
ટાઇફૂન રાગાસા કેટલું ખતરનાક છે?
ફિલિપાઇન્સની હવામાન એજન્સી અને હોંગકોંગ ઓબ્ઝર્વેટરી અનુસાર, કેટેગરી-5ના સુપર ટાઇફૂન રાગાસાને કારણે 185 કિલોમીટર પ્રતિ કલાકની ઝડપે પવનો ફૂંકાઈ શકે છે, જ્યારે પવનના ઝાપટા 230 કિલોમીટર પ્રતિ કલાકની ઝડપ સુધી પહોંચી શકે છે. દરિયાની સપાટીનું તાપમાન 30°C સુધી ગરમ થવા અને ઓછું વિન્ડ શીયર હોવાને કારણે વાવાઝોડાને વધુ તાકાત મળી.
The wind is quite chaotic, due to surrounding hills. Periods of calm interrupted by strong gusts of wind as #super #typhoon #ragasa #nandoph passes south of Batan in Philippines pic.twitter.com/fYDwUfalUq
— James Reynolds (@EarthUncutTV) September 22, 2025
વાવાઝોડાના કારણે ફિલિપાઇન્સના નોર્થ લુઝોનમાં ભૂસ્ખલન અને ભારે વરસાદ થયો છે. અત્યાર સુધીમાં 5 લોકોના મોત થયા છે અને 50,000 થી વધુ લોકો બેઘર થયા છે. પાકને પણ 500 મિલિયન ડોલર સુધીનું નુકસાન થયું છે.
Heavy onshore swell fetch beginning to inundate the lower lying area on the east coast here in #Basco. Could see quite a significant storm surge event in the coming hours as Super #Typhoon continues to edge closer 🌀#RAGASA #Philippines @JordanHallWX pic.twitter.com/jOB5tYOx4b
— Jason H (AU) 🇦🇺 (@OreboundImages) September 21, 2025
ભારત પર શું અસર થશે?
જૉઇન્ટ ટાઇફૂન વોર્નિંગ સેન્ટર (JTWC) અને હોંગકોંગ ઓબ્ઝર્વેટરી (HKO) અનુસાર, ટાઇફૂન રાગાસાની અસર પૂર્વ એશિયાના દેશો પર જ રહેશે. આ વાવાઝોડું ભારત તરફ પહોંચવાની કોઈ શક્યતા નથી. ભારતના સમુદ્ર તરફ તેનો માર્ગ ન હોવાને કારણે કોઈ સીધો પ્રભાવ પડશે નહીં. આ વાવાઝોડું ભારતથી 3000-4000 કિલોમીટર દૂર છે, તેથી ભારતના પૂર્વીય તટ જેવા કે અંદમાન-નિકોબાર કે ઓડિશા પર પણ તેની કોઈ અસર થશે નહીં.
