રાષ્ટ્રપતિ સાથે ડિનર લેશે આ છોકરો, તેની એક ખાસિયત જાણી દંગ રહી જશો

ખૂબ જ નાની વયે વૈજ્ઞાનિક બની ગયેલા શિકાંતો મંડલને રાષ્ટ્રપતિ ભજનમાં રાષ્ટ્રપતિ સાથે ડિનર માટે આમંત્રિત કરવામાં આવ્યો છે. 19થી 23 માર્ચ સુધી યોજાનારા ‘ફેસ્ટિવલ ઑફ ઈનોવેશન’ માટે તેને આમંત્રિત કરવામાં આવ્યો છે. તેને 19 માર્ચે રાષ્ટ્રપતિ રામનાથ કોવિંદ સાથે ડિનર લેવાની તક મળશે. તે આ ફેસ્ટિવલમાં પોતાના મૉડલ વેસ્ટ લિફ્ટિંગ મશીનનું પણ એક્ઝિબિશન કરશે. ઑગષ્ટ 2016માં આયોજિત ઈન્સ્પાયર એવોર્ડ એક્ઝિબિશનમાં જય ગુરુદેવ કૉલેજના દસમા ધોરણના સ્ટુડન્ટ શિકાંતો મંડલના વેસ્ટ લિફ્ટિંગ મશીનને બેસ્ટ મૉડલ તરીકે પસંદ કરવામાં આવ્યું હતું. ત્યારબાદ નવેમ્બરમાં લખનઉમાં પણ તેના આ મૉડલને રાષ્ટ્રીય સ્તરે પસંદ કરવામાં આવ્યું હતું. આના આધારે જ 2016માં રાષ્ટ્રપતિ ભવનમાં આયોજિત ફેસ્ટિવલ ઑફ ઈનોવેશનમાં શિકાંતોએ પોતાના મૉડલનું પ્રેઝન્ટેશન આપ્યું હતું અને પૂર્વ રાષ્ટ્રપતિ પ્રણવ મુખર્જી સાથે ડિનર કર્યું હતું. હવે આ વખતના આયોજનમાં પણ તેને આમંત્રણ મળ્યું છે. શિકાંતોના મૉડલને ગત વર્ષે મે મહિનામાં જાપાન ખાતે યોજાયેલા એક્ઝિબિશનમાં પણ સ્થાન મળ્યું હતું, પણ તે ઓછી ઉંમર અને પાસપોર્ટમાં વિલંબને લીધે તેમાં શામેલ થઈ શક્યો નહોતો. શિકાંતોના મૉડલને ગુજરાતની કંપનીએ પેટેન્ટ કરી છે. આ મૉડલને બજારમાં ઉતાર્યા બાદ શિકાંતોને ઉત્પાદનના નફામાં 50 ટકા ભાગીદારી મળશે. એક્ટર અક્ષય કુમારે પોતાની ફિલ્મ ‘પેડમેન’ના પ્રમોશન માટે જાન્યુઆરીમાં દેશના 16 અલગ-અલગ ટેલેન્ટ્સને બોલાવવામાં આવ્યા હતા જેમાં શિકાંતો પણ શામેલ હતો. શિકાંતોના વેસ્ટ લિફ્ટિંગ મશીનમાં બે વ્હીલ્સ અને કચરો એકઠો કરવા માટે એક બૉક્સ છે. આમાં લાગેલું હેન્ડલ ખેંચતા વાઈપર કચરાને ખેંચીને બૉક્સમાં નાખે છે. કચરો ઠાલવવા માટે હેન્ડલ ઉપર કરવાનું રહે છે, આમાં પ્લેટફોર્મ હટી જાય છે અને પાછળ ખેંચવાથી બંધ થઈ જાય છે. અહીં-તહીં પડેલો કચરો ઉઠાવવા માટે તેમાં ગ્રીપર પણ લાગેલું છે જે કચરા અથવા બોટલને પકડીને ડસ્ટબિનમાં ફેંકી દેશે.