અંબાણીએ જણાવ્યું, કોણે આપ્યો હતો જિઓનો આઇડિયા

રિલાયન્સ જિઓએ બે વર્ષમાં જ ભારતને મોબાઇલ બ્રૉડબેન્ડ ડેટા યૂઝ કરતો વિશ્વમાં સૌથી મોટો દેશ બનાવી દીધો છે. ભારતના સૌથી અમીર વ્યક્તિ મુકેશ અંબાણીને એમની દીકરી ઇશા અંબાણીએ જિઓનો આઇડિયા આપ્યો હતો. ખુદ મુકેશ અંબાણીએ આ અંગે ખુલાસો કર્યો. ‘ડ્રાઇવર્સ ઑફ ચેંજ’ અવોર્ડ મળ્યો તે મોકા પર મુકેશ અંબાણીને જણાવ્યું કે ઇશાએ 2011માં તેમને જિઓનો આઇડિયા આપ્યો હતો.
જિઓનો આઇડિયા મળ્યા બાદ રિલાયન્સે ભારતના ટેલિકોમ સેક્ટરમાં 2.01 હજાર કરોડ રૂપિયાનું રોકાણ કર્યું. 2016માં ટેલિકોમ સેક્ટરમાં પ્રવેશ કરતાની સાથે જ રિલાયન્સ જિઓએ સમગ્ર માર્કેટમાં ભૂકંપ મચાવી દીધો હતો અને બીજી કંપનીઓને પ્રાઇઝ વૉરમાં ઉતરવા માટે મજબૂર કરી દીધી. શરૂઆતના સમયમાં ફ્રી કૉલ્સ અને ડેટા આપીને જિયો ટેલિકોમ સેક્ટરમાં છવાઇ ગયું હતું.
અંબાણીએ જણાવ્યું કે જિઓ, ‘જિઓનો આઇડિયા સૌથી પહેલા 2011માં મારી દીકરીએ આપ્યો હતો. ત્યારે ઇશા યેલ યૂનિવર્સિટીમાં ભણતી હતી અને વેકેશનમાં ઘરે આવી હતી. કૉલેજનું કામ કરતી વખતે ઇશાએ કહ્યું હતું કે પપ્પા આપણા ઘરનું ઇન્ટરનેટ બહુ ખરાબ છે.’ કહ્યું કે, ‘ઇશા અે એનો ભાઇ આકાશ ભારતીય યુવા પેઢી છે અને આ જનરેશન શ્રેષ્ઠ બનવા માટે રાહ જોવા નથી માંગતી. આ યુવાઓએ મને મનાવ્યો કે બ્રૉડબેન્ડ ઇન્ટરનેટ એ ટેક્નોલોજી છે જેનાથી ભારતને દૂર ન રાખી શકાય’.