પોપ ફ્રાન્સિસે ખુલાસો કર્યો છે કે યુક્રેન પર રશિયાના આક્રમણ બાદ રશિયા લઈ જવામાં આવેલા યુક્રેનિયન બાળકોને મદદ કરવા માટે એક ગુપ્ત શાંતિ ‘મિશન’ ચાલી રહ્યું છે. જો કે પોપે આ વિશે વધુ માહિતી આપી નથી, પરંતુ કહ્યું કે વેટિકન યુદ્ધ દરમિયાન રશિયા લઈ જવામાં આવેલા યુક્રેનના બાળકોને પરત કરવામાં મદદ કરવા તૈયાર છે.
હંગેરીથી દેશ પરત ફરતી વખતે પોપ ફ્રાન્સિસે રવિવારે એક વિમાનમાં પત્રકારોને કહ્યું, “હું મદદ કરવા માટે અહીં છું.” એક મિશન છે જે સાર્વજનિક નથી, જેના પર કામ ચાલી રહ્યું છે, જ્યારે તે જાહેર થશે, હું તેના વિશે વાત કરીશ.
પોપ ફ્રાન્સિસે આ સપ્તાહના અંતે હંગેરિયન વડા પ્રધાન વિક્ટર ઓર્બન અથવા બુડાપેસ્ટમાં રશિયન ઓર્થોડોક્સ ચર્ચના પ્રતિનિધિ સાથે શાંતિ પહેલ વિશે વાત કરી હતી કે કેમ તે અંગેના પ્રશ્નોના જવાબ આપ્યા નથી.
યુક્રેનિયન બાળકોનું સ્થળાંતર ચિંતાનો વિષય છે
યુક્રેન પર રશિયાના આક્રમણ બાદ યુક્રેનિયન બાળકોનું સ્થળાંતર ચિંતાનો વિષય છે. પોપ ફ્રાન્સિસે કહ્યું કે કેટલાક કેદીઓની અદલાબદલી પર મધ્યસ્થી થઈ છે અને પરિવારોને ફરીથી જોડવા માટે “જે પણ શક્ય છે” કરવામાં આવશે.
રશિયા આ આરોપોને નકારી રહ્યું છે
નોંધપાત્ર વાત એ છે કે, માર્ચમાં ઇન્ટરનેશનલ ક્રિમિનલ કોર્ટે રશિયન રાષ્ટ્રપતિ વ્લાદિમીર પુતિન અને રશિયાના ચિલ્ડ્રન્સ કમિશનર વિરુદ્ધ ધરપકડ વોરંટ જારી કર્યું હતું અને યુક્રેનથી બાળકોના અપહરણ માટે યુદ્ધનો આરોપ મૂક્યો હતો. રશિયાએ આવા તમામ આરોપોને નકારી કાઢ્યા છે અને કહ્યું છે કે તેમને બાળકોની સુરક્ષા માટે હટાવવામાં આવ્યા છે.
રશિયન હુમલામાં 6 બાળકો માર્યા ગયા
રશિયાએ શુક્રવારે યુક્રેન પર મોટો હુમલો કર્યો હતો. રશિયાએ યુક્રેનના શહેરો પર અનેક મિસાઈલો છોડી હતી. આ હુમલાઓમાં કુલ 23 લોકોના મોત થયા હતા. યુક્રેનના ગૃહ પ્રધાન ઇહોર ક્લિમેન્કોએ જણાવ્યું હતું કે મૃતકોમાં છ બાળકો પણ સામેલ છે.
