Video: નવરાત્રિમાં મંદિરની રખેવાળી કરતી દેખાઈ સિંહણ! IFS અધિકારીએ શેર કર્યું ‘દિવ્ય દૃશ્ય’
સોશિયલ મીડિયા પર આજકાલ એક અનોખો અને ચોંકાવનારો વિડિયો ઝડપથી વાયરલ થઈ રહ્યો છે. આ વિડિયોમાં એક સિંહણ (Lioness) મંદિરના મુખ્ય દ્વારની બહાર શાંત મુદ્રામાં બેઠેલી જોવા મળે છે. ભારતીય વન સેવા (IFS)ના અધિકારી પરવીન કાસવાને પોતાના ‘એક્સ’ (પહેલાં ટ્વિટર) હેન્ડલ @ParveenKaswan પર આ ‘દિવ્ય દૃશ્ય’ શેર કર્યું છે, જેણે ઇન્ટરનેટ પર સનસનાટી મચાવી દીધી છે.
મંદિરની રખેવાળી કરતી સિંહણ!
IFS અધિકારી પરવીન કાસવાને વિડિયો શેર કરતાં કૅપ્શનમાં લખ્યું, “શું દિવ્ય દૃશ્ય છે. એવું લાગી રહ્યું છે કે જાણે સિંહણ મંદિરની રખેવાળી કરી રહી છે.”
નવરાત્રિના પાવન દિવસોમાં વાયરલ થયેલો આ વિડિયો ગુજરાતનો હોવાનું માનવામાં આવે છે, જે એશિયાઇ સિંહો (Asiatic Lions)નું કુદરતી નિવાસસ્થાન છે.
What a divine sight. Look like that lioness is guarding the temple !! pic.twitter.com/bBlxlmKD4m
— Parveen Kaswan, IFS (@ParveenKaswan) September 28, 2025
પ્રકૃતિ અને આસ્થાનો અદ્ભુત સંગમ
જેવો આ વિડિયો સોશિયલ મીડિયા પર વાયરલ થયો, લોકોએ તરત જ તેને ધાર્મિક આસ્થા સાથે જોડી દીધો. મા દુર્ગાનું વાહન સિંહ હોવાથી, ઘણા નેટીઝન્સે આ દૃશ્યને પ્રકૃતિ અને આસ્થાના અદ્ભુત સંગમનું પ્રતીક ગણાવ્યું. આ વિડિયોને અત્યાર સુધીમાં ૫૭ હજારથી વધુ વખત જોવામાં આવ્યો છે અને આ સંખ્યા સતત વધી રહી છે.
કેટલાક લોકોને આ દૃશ્ય એટલું અવિશ્વસનીય લાગ્યું કે તેમણે શરૂઆતમાં તેને આર્ટિફિશિયલ ઇન્ટેલિજન્સ (AI) દ્વારા બનાવેલો વિડિયો માની લીધો.
એક યુઝરે કમેન્ટ કરી કે, “પહેલાં તો મને લાગ્યું કે આ AIની દેન છે. પણ જેવું જોયું કે આપે (IFS અધિકારીએ) શેર કર્યો છે, તો વિશ્વાસ થઈ ગયો.”
અન્ય એક યુઝરે લખ્યું, “દીકરી પોતાની માને મળવા આવી છે. જય માતા દી.”
મોટી સંખ્યામાં નેટીઝન્સે આને દિવ્ય સંકેત માનતાં કહ્યું કે આ વિડિયો વન્યજીવો અને તે વિસ્તારની સાંસ્કૃતિક પરંપરાઓ વચ્ચેના મજબૂત સંબંધને દર્શાવે છે.
