સેટેલાઈટ GSAT-6A લોન્ચ, વધશે સેનાની તાકાત

ભારતના દમદાર કોમ્યુનિકેશન સેટેલાઈટ GSAT-6Aને શ્રીહરિકોટાના અંતરિક્ષ પ્રક્ષેપણ કેન્દ્રથી ગુરુવારે સફળતાપૂર્વક અંતરિક્ષની કક્ષામાં પ્રસ્થાપિત કરી દેવાયો છે. આ ઈન્ડિયન સ્પેસ રિસર્ચ ઓર્ગેનાઈઝેશન (ISRO) અને ભારતીય સેનાને સશક્ત બનાવવાની દિશામાં એક મહત્વનું પગલું કહી શકાય. પીએમ નરેન્દ્ર મોદીએ ISROનs આ સફળ લોન્ચિંગ બાદ શુભકામના પાઠવી છે. ઈસરો અનુસાર આ સેટેલાઈટ પ્રક્ષેપણ દ્વારા ઈસરો દ્વારા કેટલીક મહત્વપૂર્ણ પ્રણાલિઓનું પરિક્ષણ કરશે, જેને ચંદ્રયાન-2 સાથે મોકલી શકાય છે. સાથે જ આ ઉપગ્રહ ભારતીય સેનાઓ માટે સંચાર સેવાઓને વધારે મજબૂત અને સુવિધાજનક બનાવશે. GSAT- 6Aની સફળ લોન્ચિંગ પર પીએમ નરેન્દ્ર મોદીએ ખુશી વ્યક્ત કરી અને ઈસરોને અભિનંદન આપતા કહ્યું, ‘ઈસરોને આ સફળ લોન્ચિંગ માટે અભિનંદન. GSAT-6A એક કોમ્યુનિકેશન સેટેલાઈટ છે અને તેનાથી મોબાઈલ એપ્લિકેશન પર નવી સંભાવનાઓ ઉત્પન્ન થશે. દેશને નવી ઉંચાઈ અને ઉજ્જલ ભવિષ્ય તરફ લઈ જવા માટે ઈસરોને શુભકામના.’ આ સેટેલાઈટ દ્વારા હાઈ થર્સ્ટ વિકાસ એન્જિન સહિતની ઘણી સિસ્ટમને પ્રમાણિત કરી શકાશે. જેને ચંદ્રયાન-2ના લોન્ચિંગમાં ઉપયોગ કરી શકાય છે. જણાવી દઈએ કે ચંદ્રયાન 2ની લોન્ચિંગ આ વર્ષે ઓક્ટોબર સુધીમાં કરી શકાય છે. 2140 કિલો વજના GSAT-6A સંચાર સેટેલાઈટને લઈ જનારા જીએસએલવી એમકે-દ્વિતીયને શ્રીહરિકોટાના સતીશ ધવન સ્પેસ સેન્ટરના બીજા લોન્ચ પેડથી લોન્ચ કરાયો હતો. આ પ્રક્ષેપણ રોકેટની 12મી ઉડાણ હતી. ઈસરો અનુસાર, જીસેટ-6એ સેટેલાઈટ રક્ષા ઉદ્દેશ્યોની સેવાઓ ઉપલબ્ધ કરાવશે. સેટેલાઈટમાં 6 મીટર પહોળું એન્ટિના છે, જે સેટેલાઈટમાં લાગતા સામાન્ય એન્ટિનાથી ત્રણ ગણું પહોળું છે. આ હેન્ડ હેલ્ડ ગ્રાઉન્ડ ટર્મિનલ દ્વારા કોઈપણ જગ્યાએ મોબાઈલ કોમ્પ્યૂનિકેશન સરળ બની જશે. અત્યાર સુધી જીસેટ-6 કોમ્યૂનિકેશન સર્વિસ પુરી પાડતો આવ્યો છે.