ક્રિસ્પી સેવ-મમરા રેસીપી: વઘાર કરતી વખતે આ વસ્તુ ઉમેરશો તો મમરા ક્યારેય નહીં બળે, ૫ મિનિટમાં નાસ્તો તૈયાર
સેવ-મમરા એક ખૂબ જ લોકપ્રિય ગુજરાતી નાસ્તાની વાનગી છે. તે હળવા, ક્રિસ્પી અને ચા સાથે ખાવાની મજા પડે એવી છે. આને ઘરે સરળતાથી બનાવી શકાય છે.
સેવ-મમરા મોટાભાગના લોકોને પસંદ આવતો નાસ્તો છે. પરંતુ કેટલીક વાર ઘરે મમરા વઘારતી વખતે મમરા બળી જાય છે. તેથી, આજે અમે કેટલીક ટિપ્સ અને મમરા વઘારવાની રેસિપી જણાવીશું.
સામગ્રી:
સેવ-મમરા બનાવવા માટે મમરા, સેવ, કાચા શીંગદાણા, લીલા મરચાં, હળદર પાવડર, મીઠું, ખાંડ, તેલ, મીઠા લીમડાના પાન સહિતની વસ્તુઓની જરૂર પડે છે.
વઘારેલા મમરા બનાવવાની રીત અને ટિપ્સ:
1. મમરાને શેકવા (બળતા અટકાવવા માટેની ટિપ):
સૌથી પહેલા એક કડાઈમાં 1 ચમચી તેલ ગરમ કરો. તેમાં મમરા નાખીને ધીમી આંચ પર 2-3 મિનિટ સુધી સતત હલાવતા રહો અને શેકી લો. આનાથી મમરા ક્રિસ્પી થઈ જશે અને બળશે નહીં. (યાદ રાખો, મમરાને ધીમા તાપે અને સતત હલાવતા રહેવું એ બળતા અટકાવવા માટેની મુખ્ય ચાવી છે.)
2. શીંગદાણા અને કાજુ તળવા:
હવે એક પેનમાં ફરી તેલ લઈને તેમાં શીંગદાણા અને કાજુ તળી લો અને ઠંડા થવા માટે મૂકો. ધ્યાન રાખો કે શીંગદાણા અને કાજુ બળી ન જાય.
3. વઘાર તૈયાર કરવો:
હવે તેમાં મીઠા લીમડાના પાન અને લીલા મરચાં નાખો. થોડું તળાઈ જાય એટલે હળદર પાવડર, મીઠું, લાલ મરચું પાવડર અને ખાંડ ઉમેરો.
4. મિક્સ કરવું:
ત્યારબાદ તૈયાર થયેલા મસાલામાં શેકેલા મમરા અને સેવ ઉમેરીને બરાબર મિક્સ કરો.
5. સંગ્રહ:
હવે તમે મમરાને ચા-કોફી સાથે નાસ્તામાં ખાઈ શકો છો. તેમજ એરટાઈટ ડબ્બામાં ભરીને 15 દિવસ સુધી રાખી શકો છો.
