હીરો VS હોન્ડા: GST કપાત પછી કઈ કંપનીની બાઇક્સ વધુ વેચાઈ? જાણો સંપૂર્ણ સેલ્સ રિપોર્ટ
હીરો મોટોકોર્પે કુલ ૬.૮૭ લાખ યુનિટ્સ વેચ્યા, જ્યારે હોન્ડાએ ૫.૬૮ લાખ વાહનો વેચ્યા. હીરો મોટોકોર્પે ગયા વર્ષના સપ્ટેમ્બરની સરખામણીમાં આ વર્ષે સપ્ટેમ્બરમાં ૮ ટકાની વાર્ષિક વૃદ્ધિ (growth) નોંધાવી છે.
દેશની બે સૌથી મોટી ટુ-વ્હીલર કંપનીઓ હીરો મોટોકોર્પ (Hero MotoCorp) અને હોન્ડા મોટરસાઇકલ એન્ડ સ્કૂટર ઇન્ડિયા (Honda Motorcycle and Scooter India – HMSI) માટે સપ્ટેમ્બર ૨૦૨૫ નો મહિનો ખાસ રહ્યો. જીએસટી (GST) કપાત પછી, બંનેએ મોટરસાયકલ અને સ્કૂટરના વેચાણમાં રેકોર્ડ બનાવ્યા.
હીરો મોટોકોર્પે કુલ ૬.૮૭ લાખ યુનિટ્સ વેચ્યા, જ્યારે હોન્ડાએ ૫.૬૮ લાખ વાહનો વેચ્યા. હીરો મોટોકોર્પે ગયા વર્ષના સપ્ટેમ્બરની સરખામણીમાં આ વર્ષે સપ્ટેમ્બરમાં ૮ ટકાની વાર્ષિક વૃદ્ધિ નોંધાવી. જ્યારે હોન્ડા મોટરસાઇકલે વેચાણમાં ૬ ટકાની માસિક વૃદ્ધિ (Monthly Growth) હાંસલ કરી છે.
હીરો મોટોકોર્પને એક મોટી સફળતા મળી છે.
આ ઉપરાંત, હીરો મોટોકોર્પે એક ઐતિહાસિક સિદ્ધિ હાંસલ કરી છે. તે ૧૨.૫ કરોડ ટુ-વ્હીલરનું કુલ ઉત્પાદન કરનારી પ્રથમ ભારતીય કંપની બની છે. ગત ફેસ્ટિવ સિઝનથી અત્યાર સુધી કંપનીએ ૧૨ નવા સ્કૂટર અને બાઇક લોન્ચ કર્યા છે. કંપનીએ ગ્લોબલ માર્કેટમાં પણ શાનદાર પ્રદર્શન કર્યું છે, જેમાં ૪૦ હજાર યુનિટ્સની નિકાસ (Export) કરવામાં આવી છે.
કેટલી બાઇક્સની નિકાસ થઈ?
હોન્ડા મોટરસાઇકલ એન્ડ સ્કૂટર ઇન્ડિયાએ સપ્ટેમ્બર ૨૦૨૫ માં તેના વેચાણમાં સારી ગતિ પ્રાપ્ત કરી છે. કુલ ૫.૬૮ લાખ યુનિટ્સના વેચાણ માંથી ૫.૦૫ લાખ યુનિટ્સ ભારતનાં સ્થાનિક બજારમાં વેચાઈ હતી. આ ઉપરાંત, ૬૨,૪૭૧ યુનિટ્સની નિકાસ કરવામાં આવી હતી.
GST કપાત અને લોકપ્રિય બાઇક્સ પર અસર
જીએસટી કપાત પછી કંપનીના વેચાણમાં નોંધપાત્ર વધારો થયો છે. વળી, Hero Splendor કંપનીની બેસ્ટ સેલિંગ બાઇક બની ગઈ છે. આ સાથે જ હીરો એચએફ ડીલક્સ (HF Deluxe) અને પેશન (Passion) ના વેચાણમાં પણ વધારો નોંધાયો છે.
- Hero Splendor Plus પહેલા ૨૮% GST સાથે ૮૦,૧૬૬ રૂપિયામાં મળતી હતી.
- હવે ટેક્સ ઘટીને ૧૮% થઈ ગયો છે. ગ્રાહકો આ બાઇક હવે માત્ર ૭૩,૭૬૪ રૂપિયા (એક્સ-શોરૂમ, દિલ્હી) ની શરૂઆતી કિંમતે ખરીદી શકે છે.
- એટલે કે, આ લોકપ્રિય બાઇક પર ગ્રાહકોને ૬,૪૦૨ રૂપિયાનો સીધો ફાયદો મળી રહ્યો છે.
હીરો સ્પ્લેન્ડર પ્લસનું માઇલેજ
Hero Splendor Plus માં ૯૭.૨cc BS6 Phase-2 OBD2B કમ્પ્લાયન્ટ એર-કૂલ્ડ એન્જિન મળે છે. આ એન્જિન ૮.૦૨ PS પાવર અને ૮.૦૫ Nm ટોર્ક જનરેટ કરે છે અને ૪-સ્પીડ ગિયરબોક્સ સાથે આવે છે. તેની ટોપ સ્પીડ લગભગ ૮૭ kmph છે. સૌથી મોટી ખાસિયત તેનું માઇલેજ છે. આ બાઇક ૭૦–૮૦ kmpl નું માઇલેજ આપે છે, જેનાથી તે હજી પણ ભારતની સૌથી વધુ ફ્યુઅલ-એફિશિયન્ટ કમ્યુટર બાઇક બની રહી છે.
