શૂઝમાંથી આવે છે દુર્ગંધ તો આ ઉપાયથી દૂર કરો દુર્ગંધ

ગરમીની ઋતુમાં પરસેવો અને દુર્ગંધ લોકોને હેરાન રહે છે. ઉનાળામાં લોકોએ અનેક સમસ્યાઓ જેવી કે, પરસેવાના કારણે શૂઝમાંથી દુર્ગંધ, બગલની દુર્ગંધ, વગેરેનો સામનો કરવો પડે છે. આ બધી સમસ્યાઓથી બચવા માટે આજે અમે તમને કેટલાક ઘરેલું ઉપાય જણાવીશું. જેની મદદથી તમને આ દુર્ગંધથી છુટકારો મળી જશે. શૂઝની દુર્ગંધથી છુટકારો મેળવવા માટે દરરોજ રાત્રે બેકિંગ સોડાને શૂઝમાં છાંટી દો અને સવારે સાફ કરી લો. જેનાથી શૂઝની દુર્ગંધ તુરંત જ દૂર થઈ જશે અને બેકટેરીયાનો પણ નાશ થઈ જશે. શૂઝની અંદર થોડો દારૂ નાખી દો અને થોડા સમય બાદ બૂટ સાફ કરી લો. દુર્ગંધ દૂર થઈ જાશે. ઉકળતા પાણીમાં થોડીવાર ટી-બેગ રાખી બહાર કાઢી લો. હવે તેને થોડીવાર સૂકવવા માટે મૂકી દો. હવે આ ટી-બેગનો ઉપયોગ શૂઝની દુર્ગંધ દૂર કરવા માટે કરો. શુઝની દુર્ગંધ દૂર કરવા માટે તમારે દરરોજ મોજા બદલા જોઈએ. રોજેરોજ એક જ મોજા પહેરવાથી પરસેવાની દુર્ગંધ વધુ આવશે અને બેકટેરીયા તમારા પગને ઘેરી લેશે. તેના માટે જરૂરી છે કે તમે દરરોજ નવા મોજા પહેરો.