પાકિસ્તાનના દિગ્ગજ ઝડપી બોલર વહાબ રિયાઝે આંતરરાષ્ટ્રીય ક્રિકેટમાંથી નિવૃત્તિ લેવાની જાહેરાત કરી છે. રિયાઝે 2008માં આંતરરાષ્ટ્રીય ક્રિકેટમાં પ્રવેશ કર્યો હતો. પરંતુ 2020 થી આ ખેલાડીએ પાકિસ્તાન માટે કોઈ આંતરરાષ્ટ્રીય મેચ રમી નથી. આ કારણે 38 વર્ષની ઉંમરે આ ખેલાડીએ ક્રિકેટમાંથી નિવૃત્તિ લેવાની જાહેરાત કરી છે.
ટ્વીટ કરેલી માહિતી
રિયાઝે એક ટ્વિટ દ્વારા તેના ચાહકોને આ માહિતી આપી હતી. હું ઈન્ટરનેશનલ પીચમાંથી ખસી રહ્યો છું. અવિશ્વસનીય પ્રવાસ બાદ મેં આંતરરાષ્ટ્રીય ક્રિકેટમાંથી નિવૃત્તિ લેવાનો નિર્ણય કર્યો છે. પીસીબી, મારા પરિવાર, કોચ, માર્ગદર્શક, ટીમના સાથી, ચાહકો અને મને ટેકો આપનાર દરેકનો ખૂબ ખૂબ આભાર. ફ્રેન્ચાઇઝ ક્રિકેટની દુનિયામાં આગળનો રોમાંચક સમય!
🏏 Stepping off the international pitch
🌟 After an incredible journey, I’ve decided to retire from international cricket. Big thank you to PCB, my family, coaches, mentors, teammates, fans, and everyone who supported me. 🙏
Exciting times ahead in the world of franchise…
— Wahab Riaz (@WahabViki) August 16, 2023
પાકિસ્તાન માટે 3 વર્લ્ડ કપ રમ્યા
આ ખેલાડીએ પાકિસ્તાન માટે ત્રણ વનડે વર્લ્ડ કપમાં ભાગ લીધો હતો. પહેલા 2011માં, પછી 2015માં અને તે પછી તાજેતરમાં 2019 વર્લ્ડ કપમાં રિયાઝ પણ પાકિસ્તાન ટીમનો ભાગ હતો. ભારત સામે 2011ની સેમિફાઇનલ અને 2015ની ક્વાર્ટર ફાઇનલમાં ઓસ્ટ્રેલિયા સામેની 5 વિકેટનો તેનો સ્પેલ આજે પણ આખી દુનિયા યાદ કરે છે.
