દેશમાં બે દિવસમાં બે પાયલોટના મોત થયા છે. ઈન્ડિગો એરલાઈન્સના પાઈલટનું ગુરુવારે નાગપુરમાં મૃત્યુ થયું જ્યારે તે બોર્ડિંગ માટે ગેટ પર પહોંચ્યો. અહીં તે અચાનક બેભાન થઈને પડી ગયો. તેને હોસ્પિટલ લઈ જવામાં આવ્યો, જ્યાં ડોક્ટરોએ તેને મૃત જાહેર કર્યો. તે જ સમયે, કતાર એરવેઝના પાયલટને બુધવારે ફ્લાઈટમાં જ હાર્ટ એટેક આવ્યો હતો.
અહેવાલો અનુસાર, ઇન્ડિગોના પાયલોટે બુધવારે સવારે 3 થી 7 વાગ્યાની વચ્ચે તિરુવનંતપુરમથી નાગપુર વાયા પુણે સુધી બે સેક્ટરમાં ઉડાન ભરી હતી. તેને 27 કલાકનો આરામ મળ્યો. આજે તેને ચાર સેક્ટરમાં ઉડાન ભરવાની હતી. પરંતુ તે બપોરે 1 વાગ્યે બોર્ડિંગ ગેટ પર બેભાન થઈ ગયો હતો. હોસ્પિટલના તબીબોએ મૃત્યુનું કારણ કાર્ડિયાક અરેસ્ટ ગણાવ્યું છે.
બીજી ઘટનામાં કતાર એરવેઝનો ભારતીય મૂળનો પાયલટ દિલ્હીથી દોહા જતી ફ્લાઈટમાં વધારાના ક્રૂ મેમ્બર તરીકે સવાર હતો. આ દરમિયાન તેને કાર્ડિયાક અરેસ્ટ થયો હતો. તેનું મૃત્યુ તેની ફ્લાઈટમાં જ થયું હતું. કતાર એરવેઝ પહેલા તેઓ સ્પાઈસ જેટ, એલાયન્સ એર અને સહારા એરલાઈન્સમાં કામ કરી ચૂક્યા છે. ડીજીસીએએ બંને પાઈલટના મોતની પુષ્ટિ કરી છે.
- અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. Satyadaynews
- યુટ્યુબ ચેનલ સબસ્ક્રાઈબ કરીને જોતા રહો વિડીયો ન્યુઝ: SATYANEWS GUJARAT YouTube
