એર ઈન્ડિયાએ વર્ષ 2023નું સૌથી મોટું વેચાણ શરૂ કર્યું છે. આ વખતે ખાસ કરીને વિદેશ પ્રવાસ કરનારાઓને ભેટ આપવામાં આવી છે. કંપનીએ ગુરુવાર, 17 ઓગસ્ટથી 96 કલાકનું વેચાણ શરૂ કર્યું છે. આ દરમિયાન ઇન્ટરનેશનલ અને ડોમેસ્ટિક ટિકિટ બુક કરાવનારાઓને સીધું 30 ટકા ડિસ્કાઉન્ટ આપવામાં આવશે. મતલબ કે જો ટિકિટ 10,000 રૂપિયાની હતી, તો 17 ઓગસ્ટથી 20 ઓગસ્ટની વચ્ચે બુક કરાવવા પર માત્ર 7,000 રૂપિયા ચૂકવવા પડશે.
ગુરુવારે વેચાણ શરૂ કરતા, એર ઈન્ડિયાએ જણાવ્યું હતું કે આંતરરાષ્ટ્રીય રૂટ માટે ટિકિટ બુક કરાવનારાઓને 30 ટકાનું સીધું ડિસ્કાઉન્ટ આપવામાં આવશે. કંપનીએ પોતાના ટ્વીટમાં કહ્યું છે કે ટાટા જૂથે તેના મુસાફરોને મોટી ભેટ આપી છે. મુસાફરો એર ઈન્ડિયાની વેબસાઈટ અથવા એપ દ્વારા 17 થી 20 ઓગસ્ટ, 2023 દરમિયાન તેમના મનપસંદ સ્થળો માટે આંતરરાષ્ટ્રીય ટિકિટ બુક કરી શકે છે, તે પણ સંપૂર્ણ 30 ટકા ડિસ્કાઉન્ટ સાથે.
Fly to your favorite destinations and enjoy discounts of up to 30% off! Book before 20th-Aug-2023 and get the best deals on the Air India website & mobile app. T&C Apply.#FlyAirIndiaSale #FlyAirIndia pic.twitter.com/OwIC6rLdnH
— Air India (@airindia) August 17, 2023
ટ્રેન કરતાં સસ્તી ટિકિટ મળે છે
એર ઈન્ડિયાની વેબસાઈટ અનુસાર ઈકોનોમી ક્લાસનું એરફેર 1,470 રૂપિયાથી શરૂ થાય છે. બિઝનેસ ક્લાસની એર ટિકિટ 10,130 રૂપિયાથી શરૂ થાય છે. કંપની દ્વારા આપવામાં આવેલ ઓફર બિઝનેસ અને ઈકોનોમી ક્લાસ બંને પર લાગુ છે. સામાન્ય અને વિશેષ એમ બંને વર્ગના લોકો આનો લાભ લઈ શકશે.
તમે ક્યારે મુસાફરી કરી શકો છો
કંપનીએ ટ્વીટમાં જણાવ્યું છે કે સેલનું બુકિંગ ગુરુવાર, 17 ઓગસ્ટથી શરૂ થઈ ગયું છે અને તે 20 ઓગસ્ટની રાત્રે 23.59 વાગ્યે સમાપ્ત થશે. આ દરમિયાન 1 સપ્ટેમ્બરથી 31 ઓક્ટોબર વચ્ચે બુક કરાયેલી ટિકિટ પર મુસાફરી કરી શકાશે. સ્થાનિક અને આંતરરાષ્ટ્રીય સ્થળો માટે ટિકિટ બુક કરાવનારાઓને આનો લાભ મળશે. મુસાફરો દેશની બહાર સાર્ક દેશોમાં મુસાફરી કરી શકશે.
- અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. Satyadaynews
- યુટ્યુબ ચેનલ સબસ્ક્રાઈબ કરીને જોતા રહો વિડીયો ન્યુઝ: SATYANEWS GUJARAT YouTube
