“Race-3″નું Trailer રીલીઝ

સુપરસ્ટાર સલમાન ખાન અને જેક્લીન ફર્નાન્ડિસની ફિલ્મ ‘રેસ-3’ નું ટ્રેલર રિલીઝ થઇ ગયું છે. જેને લઇને સલમાને પણ પોતાનાં ફેસબુક અને ટ્વિટર પર પણ આ ટ્રેલર રિલીઝ કરીને તેનાં ફેન્સને એક ગિફ્ટ આપી છે. જો કે આ ટ્રેલર રિલીઝ થાય એ પહેલાં સલમાને પોતાના ફેન્સમાં ઉત્સાહ જગાડવા માટે કોઇ જ કસર બાકી ન હોતી રાખી. સલમાને પહેલા ફિલ્મ ‘રેસ’ અને બાદમાં ‘રેસ-2’નું ટ્રેલર પોતાનાં ટ્વિટર એકાઉન્ટ પર શેર કર્યું હતું. આખરે સલમાને પોતાનાં ફેન્સની ઉત્સુકતાને ખતમ કરતા પોતાનાં ટ્વિટર પર ફિલ્મનું ટ્રેલર શેર પણ કરી દીધું છે અને આખરે હવે રાહ પૂરી થઇ અને ‘રેસ-3’નું ટ્રેલર સામે આવી ગયું.
ઉલ્લેખનીય છે કે ફિલ્મનું ટ્રેલર લોન્ચ થતાં જ 4 લાખથી વધારે લોકોએ જોઇ લીધું છે. આ ટ્રેલરમાં સલમાનની સાથે અન્ય સ્ટાર પણ જોવાં મળશે જેમાં જેકલીન ફર્નાડીઝ, ડેઝી શાહ, બોબી દેઓલ, અનિલ કપૂર પણ સ્ટન્ટ કરતાં જોવા મળી રહ્યાં છે. સલમાને એક ડાયલોગ પણ આમાં બોલતા કહ્યું છે કે,”જિસ રેસ સે મુજે નિકાલને કી કોશિશ કર રહે હૈ, યે બેવકૂફ નહીં જાનતે મેં ઇસ રેસ કા સિકંદર હું.” આ ફિલ્મનો પ્રોડ્યુસર પણ સલમાન ખાન પોતે જ છે. આ ફિલ્મનાં ટ્રેલર માટે ખુદ સલમાને જ એક્શનનાં દ્રશ્યો પસંદ કર્યા છે. ટ્રેલર રિલીઝ થતાં જ સલમાન ખાનનાં પ્રશંસકોમાં ફિલ્મને લઇને ભારે ઉત્સુક્તા જોવાં મળી છે.