આત્મહત્યાનો પ્રયત્ન ભારતમાં અપરાધ નહી, સરકારે જાહેર કરી સૂચના

કેન્દ્રીય સ્વાસ્થ્ય મંત્રી જેપી નડ્ડાએ લોકસભામાં આ બિલને રજુ કરતી વખતે કહ્યુ હતુ, ‘આ બિલમાં સૌથી મહત્વપુર્ણ વાત એ છે કે તે આત્મહત્યાના પ્રયાસમાં ભારતીય દંડ સંહિતાથી (ipc)અલગ કરે છે. તે માટે હવે આત્મહત્યાના પ્રયત્નના મામલે આઈપીસીની આ જોગવાઈઓ લાગુ નહિ થાય. ‘ તેમણે કહ્યુ, ‘વ્યક્તિ ખુબજ માનસિક તણાવમાં આવીને આવુ પગલુ ઉઠાવે છે. જેનો મતલબ એ છે કે આ એક માનસિક બીમારીથી શરૂ થાય છે, માટે તેને અપરાધિક ન બનાવવું જોઈએ.’ કાયદામાં પણ એક જોગવાઈ છે કે જો કોઈ વ્યક્તિ ભવિષ્યમાં માનસિક બીમારીથી પીડિત હોય છે તો તેની સારવાર માટે પહેલાથી નિર્દેશ આપી શકે છે. આ કાયદો માનસિક રૂપથી બીમાર બાળકોની સારવાર માટે વિજળીના ઝટકાની પદ્ધતિ પર પ્રતિબંધ લગાવે છે, આ કાયદો કહે છે કે વયસ્કોના મામલે પણ આ પ્રકારની સારવારમાં એનેસ્થીસિયા અને માંસપેશિયોમાં આરામ કરનારી દવાઓ સાથે આપવો જોઈએ.