હવે ક્રિકેટ ના અમ્પાયર પણ બતાવશે : રેડ કાર્ડ

ફુટબોલ અને હોકીની જેમ જ ક્રિકેટમાં પણ રેડા કાર્ડ જોવા મળવાની શક્યતા છે. મેર્લબોન ક્રિકેટ ક્લબ(એમસીસી) વર્લ્ડ ક્રિકેટ કમિટીએ બુધવારે રેડ કાર્ડ સામેલ કરવાની ભલામણ કરી હતી. તે સિવાય બેટની સાઈઝ નક્કી કરવાની ભલામણ પણ કરી હતી. આઈસીસીની મંજૂરી મળતા ભલામણોને ક્રિકેટના નિયમોમાં નવા કોડમાં સામેલ કરવામાં આવશે. કમિટીની હવેની બેઠક ત્રણ જુલાઈ 2017માં લોડ્સ ખાતે યોજાશે. 1 ઓક્ટોબર 2017થી લાગૂ પાડવામાં આવી શકે છે. એટલે કે આવતા વર્ષે એશીઝ શ્રેણીમાં તે જોવા મળી શકે છે. ઈંગ્લેન્ડના ભૂતપૂર્વ સુકાની માઈકલ બ્રેયરલીના નેતૃત્વ ધરાવનારી બેઠકમાં વર્લ્ડ ટેસ્ટ ચેમ્પિયનશિપ યોજવા અને ચાર દિવસીય ટેસ્ટ પર પણ વિચાર કરવામાં આવ્યો હતો, તેમાં પરંતુ એક અભિપ્રાય બની શક્યો નહોતો. બ્રેયરલીએ જણાવ્યું હતું કે મેદાન પર ખેલાડીઓની ગેરશિસ્ત વધતી જાય છે અને તેવામાં મેચ દરમિયાન વધારે પડતા ગેરશિસ્ત બદલ અમ્પાયર રેડ કાર્ડ બતાવી શકશે. જો અમારી ભલામણો માનવામાં આવશે તો આંતરરાષ્ટ્રીય બધી મેચોમાં લાગૂ પાડવામાં આવશે. રેડ કાર્ડ ક્રિકેટની તમામ ફોર્મેટ ટી20, ટેસ્ટ અને વન-ડે એમ ત્રણેયમાં લાગૂ કરવામાં આવશે. અમ્પાયર રેડ કાર્ડનો ઉપયોગ કરી ખેલાડીને મેચ બહાર કરી શકે છે. ક્રિકેટમાં ખૂબ મોટો બદલાવ આવી જશે. એમસીસીએ બેટ અને બોલ વચ્ચે સમતુલન જાળવવા માટે બેટની સાઈઝમાં પણ અંકુશ લગાવવાની ભલામણ કરી હતી. અમ્પાયર આ માટે રેડ કાર્ડ દેખાડી શકશે- અધિકારી તથા ખેલાડી સાથે સતત ગેરશિસ્ત કરવા બદલ. અમ્પાયરને ધમકી કે મારામારીની સ્થિતિમાં. ખેલાડી, ઓફિશીયલ કે દર્શક સાથે હિંસા કરવા પર. રમત દરમિયાન મેદાન પર કોઈ પણ પ્રકારે હિંસક વ્યવહાર કરતા જોવા મળતા ખેલાડીને રેડ કાર્ડ આપી શકાશે. કમિટીના સભ્ય રિકી પોન્ટિંગે જણાવ્યું હતું કે અમે બેટની બહારની કિનારીઓની જાડાઈ 38થી 42 મીમી રાખવા માગીએ છીએ. હાલ કેટલાક ક્રિકેટરોના બેટની જાડાઈ 50 મીમી છે. દુનિયાના 60 ટકાથી વધુ ક્રિકેટરો અમારી વાતથી સહમત છે. બ્રેયરલેએ જણાવ્યું કે અમને આશા છે કે 2024માં યોજાનારી ઓલિમ્પિકમાં ક્રિકેટ સામેલ થઈ જશે. ટી20 ફોર્મેટને અમે ઓલિમ્પિકમાં સામેલ કરવા પર ખૂબ મહેનત કરી રહ્યાં છીએ. અત્યારસુધી માત્ર એક વાર પેરિસ ઓલિમ્પિક(1900)માં ક્રિકેટ રમાઈ હતી.આઇસીસીએ પોઇન્ટ્સ સિસ્ટમ દાખલ કરી છે જેમાં ત્રણ પોઇન્ટ્સ બાદ ખેલાડી એક મેચ માટે સસ્પેન્ડ થઇ શકે છે. ડુ પ્લેસિસને રીતે એક પોઇન્ટ મળ્યો છે.