અનિલ કપૂર, એશ્વર્યા રાય બચ્ચની ફિલ્મ Fanney Khan નું ટ્રેલર રિલીઝ

ફિલ્મ ‘Fanney Khan’ નું ફર્સ્ટ ટીઝર જ્યારે રિલીઝ કરવામાં આવ્યું હતું ત્યારે બધા એવું વિચારતા હતા કે, અનિલ કપૂર, એશ્વર્યા રાય બચ્ચન અને રાજકુમાર રાવની આગામી આ ફિલ્મ આ ત્રણની કહાની દર્શકોની સામે રજૂ કરશે. આજે ફિલ્મ Fanney Khan નું ટ્રેલર રિલીઝ થઇ ગયું છે. તેનાથી સ્પષ્ટ થાય છે કે, ફિલ્મ આ ત્રણ કલાકારની સ્ટોરી નથી પરંતુ એક એવી યુવતીની સ્ટોરી રજૂ કરશે જે ગાયિકા બનવાનું સપનું જુએ છે પરંતુ પોતાના વધેલા વજન અને ખોટી પદ્ધતિઓના કારણે દુનિયાની સાથે પોતાને હારેલી અનુભવ કરે છે. ફિલ્મમાં આ યુવતી ઓટો ડ્રાઈવર બનેલ અનિલ કપૂરની પુત્રીનો રોલ પ્લે કરતા નજર આવી રહી છે. ફિલ્મનું ટ્રેલર જોઈ એવું લાગી રહ્યું છે કે, રાજકુમાર રાવ ફિલ્મમાં અનિલ કપૂરના પાડોશમાં રહેતા યુવકનો રોલ પ્લે કરી રહ્યા છે, જે અનિલ કપૂરની પુત્રીનું સપનું પૂરું કરવામાં તેમનો સાથે આપે છે એશ્વર્યા રાય બચ્ચન એક ફેમસ સિંગર બને છે, જેને કિડનેપ કરવાનો પ્લાન અનિલ અને રાજકુમાર બનાવે છે. હવે આ બંને કેમ એશ્વર્યાને કિડનેપ કરે છે અને તેનાથી કેવી રીતે અનિલ કપૂરની પુત્રી સફળ સિંગર બની શકે છે તેનો અંદાજો તમે ટ્રેલર જોઈ લગાવી શકો છો. ઉલ્લેખનીય છે કે, અનિલ કપૂર, એશ્વર્યા રાય બચ્ચન અને રાજકુમાર રાવની આગામી ફિલ્મ ‘ફ્ન્ને ખાં’ ને લઈને લોકોમાં થોડા દિવસથી ગજબનો ઉત્સાહ જોવા મળી રહ્યો હતો. ફિલ્મના નિર્માતાઓએ નવા પોસ્ટર્સની સાથે ફિલ્મનું ટીઝર રિલીઝ કર્યું હતું. રાજકુમાર રાવનો અવાજ અને અનિલ, એશ્વર્યાના જુદા અંદાજથી સજેલ ‘ફ્ન્ને ખાં’ નું ટીઝર તમને ફર્સ્ટ ટાઈમમાં ઉત્સુક કરી દેશે. રાજકુમાર રાવ ટીઝરમાં જણાવે છે કે, ફ્ન્ને ખાંનો વાસ્તવિક અર્થ શું છે અને ફિલ્મમાં ક્યાં કલાકાર ફ્ન્ને ખાંના રૂપમાં નજર આવશે. જ્યારે ફિલ્મની ઘોષણા થઇ હતી ત્યારથી કહેવામાં આવી રહ્યું હતું કે, અતુલ માંજરેકરની ‘ફ્ન્ને ખાં’ વર્ષ ૨૦૧૮ ની સૌથી શ્રેષ્ઠ ફિલ્મોમાંથી એક હશે. ફિલ્મ ‘ફ્ન્ને ખાં’ નું ટીઝર અને ટ્રેલર જોઈ સમજી શકાય છે કે, અતુલ આ ફિલ્મના માધ્યમથી એક સુંદર કહાની દર્શકો સામે રજૂ કરવાના છે. તમને જણાવી દઈએ કે, ‘ફ્ન્ને ખાં’ પહેલા આ વર્ષે ઈદ પર રિલીઝ થવાની હતી પરંતુ ‘રેસ ૩’ ના કારણે હવે ૩ ઓગષ્ટે ફિલ્મ રિલીઝ થશે. ફિલ્મના નિર્માતા ઇચ્છતા હતા કે તેમની ‘ફ્ન્ને ખાં’ કોઈ મોટી ફિલ્મ સાથે બોક્સ ઓફિસ પર કલેશ ના કરે.