Gujrat: PM મોદીએ ‘વાઈબ્રન્ટ ગુજરાત સમિટ’ની શરૂઆત કરી છે. આ દરમિયાન તેમણે વૈશ્વિક નેતાઓનું ઉષ્માભર્યું સ્વાગત કર્યું છે. આ સમિટના મુખ્ય અતિથિ UAEના પ્રમુખ શેખ મોહમ્મદ બિન જાયદ અલ નાહયાન છે.
આજથી વાઈબ્રન્ટ ગુજરાત ગ્લોબલ સમિટ 2024નો પ્રારંભ થયો છે. આ વખતે સમિટમાં વિશ્વભરના 34 દેશો ભાગ લઈ રહ્યા છે, જેમાં 18 દેશોના ગવર્નર અને મંત્રીઓ હાજર રહેશે. આ ઉપરાંત, 15 થી વધુ વૈશ્વિક CEO પણ સમિટમાં પહોંચશે જેના મુખ્ય અતિથિ UAE ના પ્રમુખ શેખ મોહમ્મદ બિન ઝાયેદ અલ નાહયાન છે.
દક્ષિણ કોરિયાના સિમટેકના ગ્લોબલ સીઈઓએ આ વાત કહી.
દક્ષિણ કોરિયાના Simmtec ના ગ્લોબલ સીઈઓ જેફરી ચુને જણાવ્યું હતું કે, “આ ઇવેન્ટમાં ભાગ લેવો એ સન્માનની વાત છે.
અદાણી ગ્રુપ ગુજરાતમાં રૂ. 2 લાખ કરોડથી વધુનું રોકાણ કરશેઃ ગૌતમ અદાણી
વાઈબ્રન્ટ ગુજરાત ગ્લોબલ સમિટ 2024માં બોલતા, અદાણી ગ્રુપના ચેરપર્સન ગૌતમ અદાણીએ જણાવ્યું હતું કે, “અમે આત્મનિર્ભર ભારત માટે ગ્રીન સપ્લાય ચેઈનનો વિસ્તાર કરી રહ્યા છીએ અને સૌથી મોટી સંકલિત, રિન્યુએબલ એનર્જી ઈકોસિસ્ટમ બનાવી રહ્યા છીએ. આગામી પાંચ વર્ષમાં અદાણી ગ્રુપ ગુજરાતમાં રૂ. 2 લાખ કરોડથી વધુનું રોકાણ કરશે.
વૈશ્વિક કંપનીઓના સીઈઓ સાથે બેઠક
પીએમ મોદી ટોચની વૈશ્વિક કંપનીઓના સીઈઓ સાથે બેઠક યોજવાના છે. સમિટમાં કંપનીઓ અત્યાધુનિક ટેક્નોલોજીથી બનેલી પ્રોડક્ટ્સનું પ્રદર્શન કરશે, જે ભવિષ્યના ભારતની ઝલક આપશે. તેમાં 1 લાખથી વધુ સ્થાનિક અને વિદેશી રોકાણકારો ભાગ લેવાના છે.
