દિવાળીની ભેટ: ગુજરાતના 75 લાખથી વધુ રેશનકાર્ડ ધારકોના 3.26 કરોડ સભ્યોને ઘઉં, ચોખા અને ‘શ્રી અન્ન’નું વિના મૂલ્યે વિતરણ!

દિવાળી પહેલાં ગુજરાત સરકારની ગરીબોને મોટી ભેટ: ૭૫ લાખ રેશનકાર્ડ ધારકોને ઘઉં, ચોખા, બાજરીનું વિના મૂલ્યે વિતરણ, સાથે સિંગતેલ અને ખાંડ રાહત દરે!

ગુજરાતમાં દિવાળીના તહેવારોની શરૂઆત પહેલાં રાજ્ય સરકારે ગરીબ અને જરૂરિયાતમંદ પરિવારો માટે મોટી ભેટની જાહેરાત કરી છે. અન્ન અને નાગરિક પુરવઠા મંત્રી  કુંવરજીભાઈ બાવળીયાએ માહિતી આપતાં જણાવ્યું કે, રાજ્યના ૭૫ લાખથી વધુ રેશનકાર્ડ ધારકોના કુલ ૩.૨૬ કરોડ સભ્યોને “પ્રધાનમંત્રી ગરીબ કલ્યાણ અન્ન યોજના” હેઠળ ૧૭ હજારથી વધુ વાજબી ભાવની દુકાનોથી ઘઉં, ચોખા અને ‘શ્રી અન્ન’ (બાજરી અને જુવાર)નું વિના મૂલ્યે વિતરણ કરવામાં આવી રહ્યું છે.

આ ઉપરાંત, મુખ્યમંત્રી  ભૂપેન્દ્ર પટેલના નેતૃત્વવાળી સરકારે અંત્યોદય અને BPL પરિવારોને દિવાળીના તહેવારો વધુ સારી રીતે ઉજવી શકે તે માટે રાહત દરે વધારાની ખાંડ અને ખાદ્ય તેલ વિતરણ કરવાનો મહત્ત્વનો નિર્ણય કર્યો છે.

અન્ન સલામતી: ગરીબ પરિવારોને ડબલ લાભ

ગુજરાત સરકારે “રાષ્ટ્રીય અન્ન સલામતી કાયદા” (N.F.S.A.)-૨૦૧૩ હેઠળ સમાવિષ્ટ અંત્યોદય અને બી.પી.એલ. (BPL) પરિવારોને પોષણ અને અન્ન સલામતી પૂરી પાડવા માટે આ વિશેષ જોગવાઈ કરી છે.

૧. વિના મૂલ્યે અનાજનું વિતરણ (PMGKAY)

લાભાર્થીઓ: ૭૫ લાખથી વધુ રેશનકાર્ડ ધારકોના ૩.૨૬ કરોડ સભ્યો.

સુરતમાં ફરી નકલી કાંડ, પૂણા વિસ્તારની બે ડેરીમાંથી નકલી માખણ ઝડપી પાડતી સુરત SOG

સુરત: બિનઆરોગ્યપ્રદ ઘીનો જથ્થો પકડાયો, ઘીમાં બાહ્ય ચરબી અને ટ્રાન્સ ફેટ એસિડ જેવા જોખમી તત્વો મળી આવ્યા

યોજના: પ્રધાનમંત્રી ગરીબ કલ્યાણ અન્ન યોજના (PMGKAY).

વિતરણ: રાજ્યભરની ૧૭ હજારથી વધુ વાજબી ભાવની દુકાનો (FPS) થી વિના મૂલ્યે.

અનાજનો જથ્થો:

અંત્યોદય અન્ન યોજના (AAY) કુટુંબો: પ્રતિ કાર્ડ કુલ ૩૫ કિલો અનાજ.

ગુજરાતનાં મંત્રીમંડળમાં મોટા ફેરફારની અટકળો, આ નેતાઓ જાળવી રાખશે મંત્રી પદ? કોનાં કપાશે પત્તા? નવા મંત્રીઓમાં આ નામ આવ્યા ચર્ચામાં

ગુજરાતમાં પુષ્‍યનક્ષત્ર ટાણે બજારમાંથી જાણે ચાંદી ગાયબ, કૃત્રિમ અછત? ઓન રૂપિયા આપવા છતાં પણ મળતી નથી, ભાવ આસમાને, સપ્‍લાય ખૂટી પડ્‍યો

અગ્રતા ધરાવતા કુટુંબો (PHH): વ્યક્તિદીઠ ૫ કિલો અનાજ.

૨. રાહતદરે અન્ય આવશ્યક વસ્તુઓ

મંત્રી  કુંવરજીભાઈ બાવળીયાએ વધુ વિગતો આપતા જણાવ્યું કે, દિવાળીના તહેવારને ધ્યાનમાં રાખીને વધારાના આવશ્યક ખાદ્ય પદાર્થોનું વિતરણ પણ રાહતદરે કરવામાં આવી રહ્યું છે, જેથી ગરીબ પરિવારોની ખરીદશક્તિ વધે.

દિવાળી સ્પેશિયલ: ખાદ્ય તેલ અને વધારાની ખાંડ

રાજ્ય સરકારે ખાસ કરીને દિવાળીના તહેવાર નિમિત્તે રાહતદરે ખાદ્ય તેલ અને વધારાની ખાંડનું વિતરણ કરીને તહેવારની ઉજવણીને સરળ બનાવી છે.

ગુણવત્તાયુક્ત ખાદ્યતેલ (સિંગતેલ)

લાભાર્થી: N.F.S.A.-૨૦૧૩ હેઠળ સમાવિષ્ટ કુટુંબો.

જથ્થો: કાર્ડદીઠ ૧ લીટર પાઉચ.

રાહત દર: ₹૧૦૦/- પ્રતિ લીટર (બજાર ભાવથી ઘણી ઓછી કિંમતે).

વધારાની ખાંડ

અંત્યોદય અને BPL કુટુંબોને તેમના નિયમિત મળવાપાત્ર જથ્થા ઉપરાંત વધારાની ૧ કિલો ખાંડ રાહત દરે વિતરણ કરવામાં આવી રહી છે:

BPL કુટુંબો: કાર્ડદીઠ ૧ કિલો, ₹૨૨/- પ્રતિ કિલોના રાહત દરે.

અંત્યોદય (AAY) કુટુંબો: કાર્ડદીઠ ૧ કિલો, ₹૧૫/- પ્રતિ કિલોના રાહત દરે.

મંત્રી બાવળીયાએ ભારપૂર્વક જણાવ્યું કે, રાજ્ય સરકાર N.F.S.A.-૨૦૧૩ હેઠળ સમાવિષ્ટ અંત્યોદય તથા અગ્રતા ધરાવતા દરેક કુટુંબોને માત્ર અન્ન સલામતી જ નહીં, પરંતુ પોષણ સલામતી પણ મળી રહે તે માટે કટિબદ્ધ છે. આ યોજનાઓ થકી ગુજરાતના નાગરિકોના પોષણ સાથે સર્વાંગી વિકાસ માટે રાજ્ય સરકાર સતત કાર્યરત છે.

આ નિર્ણયથી લાખો ગરીબ પરિવારોને મોંઘવારીના આ સમયમાં મોટી રાહત મળશે અને તેઓ દિવાળીના તહેવારની ઉજવણી સારી રીતે કરી શકશે. સરકારની આ યોજના સીધેસીધો ગરીબોના ખિસ્સા પરનો ભાર ઓછો કરીને તેમને આર્થિક મદદ પૂરી પાડે છે.