આંતરરાષ્ટ્રીય સ્તર પર તેલનો પુરવઠો વધતા ઘટ્યા પેટ્રોલ-ડીઝલનાં ભાવ

છેલ્લા કેટલાક દિવસથી આંતરરાષ્ટ્રીય સ્તર પર કાચા તેલની કિંમતોમાં ઘટાડો જોવા મળી રહ્યો છે. આનો ફાયદો ઘરેલૂ સ્તરે પેટ્રોલ અને ડીઝલની કિંમતોમાં રાહતની રીતે મળી રહ્યો છે. સોમવારે પણ પેટ્રોલ અને ડીઝલનાં ભાવો ઘટ્યા છે. ઇન્ડિયન ઑયલ કંપનીનાં જણાવ્યા પ્રમાણે રાષ્ટ્રીય રાજધાની દિલ્લીમાં એક લીટર પેટ્રોલ માટે તમારે 76.30 રૂપિયા ચુકવવા પડશે. રવિવારના મુકાબલે આમાં 7 પૈસાનો ઘટાડો થયો છે. મુંબઇની વાત કરીએ તો અહી 83.75 રૂપિયા પ્રતિ લીટર પેટ્રોલ મળી રહ્યું છે. કોલકાતામાં 79.15 અને ચેન્નાઇમાં 79.25 રૂપિયા પ્રતિ લીટરનું પેટ્રોલ મળી રહ્યું છે. ડીઝલની વાત કરીએ તો દિલ્લીમાં એક લીટર ડીઝલ માટે તમારે 67.89 રૂપિયા પ્રતિ લીટર ચુકવવા પડશે. કોલકાતામાં આ માટે તમારે 70.56 રૂપિયા પ્રતિ લીટર આપવા પડશે. મુંબઈમાં આ ભાવ 72.07 રૂપિયા પ્રતિ લીટર છે અને ચેન્નાઇમાં 71.70 રૂપિયા પ્રતિ લીટર છે. ઉલ્લેખનીય છે કે છેલ્લા કેટલાક દિવસોથી આંતરરાષ્ટ્રીય બજારમાં કાચા તેલની કિંમતોમાં ઘટાડો જોવા મળી રહ્યો છે. કાચા તેલનાં પુરવઠામાં વધારો થતા તેની કિંમતોમાં ઘટાડો થઇ રહ્યો છે.