ગુજરાતને મળ્યો નવો ચહેરો: હર્ષ સંઘવીએ લીધા DyCM પદના શપથ, તેમની ‘મિશન મોડ’ રાજનીતિ કેવી છે?
ગુજરાતમાં પેન્દ્રભાઈ પટેલના નવા મંત્રીમંડળના શપથગ્રહણ સમારંભમાં આજે મહત્વપૂર્ણ ફેરફાર જોવા મળ્યો છે. મજૂરા વિધાનસભાના યુવા ધારાસભ્ય હર્ષ સંઘવીએ નાયબ મુખ્યમંત્રી (DyCM) પદનો શપથ લીધો છે. સાડા ત્રણ વર્ષ બાદ ગુજરાતને ફરી એકવાર DyCM મળ્યા છે.
હર્ષ સંઘવી: નાની ઉંમરે રાજકારણમાં પ્રવેશ, મોટી જવાબદારીઓ
સૌથી નાની વયે રાજકારણમાં પ્રવેશ લેનારા હર્ષ સંઘવીનો જન્મ 8 જાન્યુઆરી 1985ના રોજ સુરતમાં થયો હતો. તેમના પિતાનું નામ રમેશકુમાર સંઘવી અને માતાનું નામ દેવેન્દ્રાબેન સંઘવી છે. તેમણે માત્ર ધોરણ 9 સુધીનો અભ્યાસ કર્યો છે. તેમનો લગ્નજીવન પણ સારો છે — પત્ની પ્રાચીબેન સંઘવી ગૃહિણી છે અને તેમને એક પુત્ર આરૂષ અને પુત્રી નિરવા છે.
રાજકારણમાં પહેલું પગથિયું માત્ર 15 વર્ષની ઉંમરે
હર્ષ સંઘવી માત્ર 15 વર્ષની વયે ભાજપની યુવા પાંખમાં જોડાયા હતા. યુવા મોરચા દરમિયાન તેમણે અનુરાગ ઠાકુર અને પંકજા મુંડે જેવા નેતાઓ સાથે કામ કર્યું છે. 2014માં પીએમ મોદીની વારાણસીની ચૂંટણી દરમિયાન પણ હર્ષ સંઘવીએ મહત્વની ભૂમિકા ભજવી હતી, જેના કારણે તેઓ પીએમ મોદી અને અમિત શાહના વિશ્વાસપાત્ર બની ગયા હતા.
ચૂંટણી જીતનો દમદાર રેકોર્ડ
2012: મજુરા બેઠક પરથી પ્રથમ વખત ભાજપના ટિકિટ પર ચૂંટાઈ આવ્યા — અને રેકોર્ડ વોટ સાથે જીત નોંધાવી.
2017 અને 2022: સતત વિજય મેળવી ભાજપ માટે મજબૂત સ્થાને રહ્યા.
તેઓ રાજ્યના સૌથી યુવા ગૃહ રાજ્ય મંત્રી પણ બન્યા અને આ પદે તેમણે statewide અલગ ઓળખ બનાવી.
યુવાનોમાં લોકપ્રિય નેતા
હર્ષ સંઘવી દર વર્ષે રોજગાર મેળાનું આયોજન કરે છે, જેના કારણે તેમને યુવાનોમાં ખુબ લોકપ્રિયતા મળી છે. માત્ર યુવાઓ જ નહિ, તેઓ આદિવાસી, પછાત વર્ગ અને જરૂરિયાતમંદો માટે પણ સતત કાર્યરત રહ્યા છે.
કોરોના દરમિયાન નોંધપાત્ર સેવા
કોરોના મહામારી દરમ્યાન હર્ષ સંઘવીની સેવાઓ પણ પ્રશંસનીય રહી હતી. તેમણે લોકો સુધી મદદ પહોંચાડવામાં અગ્રેસર રહી સમાજમાં પોતાની લાગણીપૂર્વક સેવા નિભાવેલી.
હર્ષ સંઘવીની રાજકીય યાત્રા એ ઉંમર નહીં પણ દૃઢ નિષ્ઠાનો ઉદાહરણ છે. નાની ઉંમરે પ્રવેશી આજે રાજ્યના નાયબ મુખ્યમંત્રી પદે પહોંચી જતા હર્ષ સંઘવી યુવાનો માટે પ્રેરણારૂપ છે.
