BSE સેન્સેક્સ 467.91 પોઈન્ટ ઉછળીને 72,113.20 પોઈન્ટ પર ખુલ્યો હતો. તે જ સમયે, NSE 153.95 પોઈન્ટના વધારા સાથે 21,851.40 પોઈન્ટ પર પહોંચી ગયો છે.
સપ્તાહના છેલ્લા ટ્રેડિંગ દિવસે શુક્રવારે શેરબજારે મજબૂત શરૂઆત કરી છે . BSE સેન્સેક્સ 467.91 પોઈન્ટ ઉછળીને 72,113.20 પોઈન્ટ પર ખુલ્યો હતો.
તે જ સમયે, NSE 153.95 પોઈન્ટના વધારા સાથે 21,851.40 પોઈન્ટ પર પહોંચી ગયો છે. ગઈકાલે એટલે કે ગુરુવારે બજેટના દિવસે બજાર લાલ નિશાનમાં બંધ થયું હતું. શરૂઆતના કારોબારમાં રેલવેના શેરોમાં જબરદસ્ત ઉછાળો જોવા મળી રહ્યો છે. આ સિવાય બેન્કિંગ શેરોમાં પણ સારો ઉછાળો જોવા મળી રહ્યો છે. તમને જણાવી દઈએ કે ગુરુવારે વચગાળાનું બજેટ રજૂ થયા બાદ સેન્સેક્સ 106.81 પોઈન્ટ અથવા 0.15 ટકા ઘટીને અસ્થિર ટ્રેડિંગમાં 71,645.30 પોઈન્ટ પર બંધ થયો હતો. જો કે, 2023, 2022, 2021 અને 2019માં બજેટની રજૂઆતના દિવસે સેન્સેક્સ સકારાત્મક વલણ સાથે બંધ થયો હતો. બજેટના દિવસે સેન્સેક્સમાં અગાઉનો ઘટાડો 1 ફેબ્રુઆરી, 2020 ના રોજ હતો, જ્યારે ઇન્ડેક્સ 987.96 પોઈન્ટ અથવા 2.42 ટકા ઘટ્યો હતો. ગયા વર્ષના બજેટ અને આ વખતના બજેટ વચ્ચે ઈન્ડેક્સમાં 20 ટકાનો વધારો નોંધવામાં આવ્યો છે. વર્ષ 2023માં બજેટના દિવસે ઈન્ડેક્સ 158.18 પોઈન્ટ અથવા 0.26 ટકાના વધારા સાથે 59,708.08 પોઈન્ટ પર બંધ થયો હતો.
