ધરમપુરની ઇ-ધરામાં નાયબ મામલતદારના અભાવને લઇ હાલાકી

ધરમપુર મામલતદાર કચેરી ખાતેના ઇ-ધરા કેન્દ્રમાં છેલ્લા આશરે બે માસથી નાયબ મામલતદારના વર્તાય રહેલા અભાવને લઇ આ કેન્દ્રમાં જમીનની રસાઇ સહીતના જમીનને લગતા મહત્વના કામો માટે અરજદારોએ આંટાફેરા મારવાની નોબત આવી રહી છે. પ્રાપ્ત માહિતી મુજબ વલસાડના કલેકટરના હુકમ આધારે આશરે બે માસ અગાઉં અત્રેના ઇ-ધરા કેન્દ્રમાં ફરજ બજાવતા નાયબ મામલતદાર ગવળીએ તેમનો બદલીના સ્થળ ખાતે ચાર્જ સંભાળી લીધો હતો. જયારે તેમની જગ્યાએ વલસાડ મામલતદાર કચેરીના પૂરવઠા ખાતામાં ફરજ બજાવતા સંજય ટેલરને અત્રેના ઇ-ધરા કેન્દ્રના નાયબ મામલતદાર તરીકે હાજર થવાનો હુકમ કરાયો હતો. જો કે હુકમ થયાના દિનથી આજદિન સુધી તેમણે અહીંનો ચાર્જ ન સંભાળતા ઇ-ધરા કેન્દ્રમા નાયબ મામલતદારની છેલ્લા બે માસથી જગ્યા ખાલી રહી છે. ધરમપુર તાલુકો 100 આદિવાસી તાલુકો ગણાય છે. અહીં કોઇ મોટા ખેડૂત ખાતેદાર નથી. શહેર વિસ્તાર મળી 108 ગામ ધરાવતા આ તાલુકામાં નાના ખેડૂતોએ આ ખાલી પડેલી જગ્યાને લઇ છેલ્લા બે માસથી જમીનની 8/12, 8-અ, તેમજ ખાસ કરીને જમીનની વારસાઇ જેવા મહત્વના કામો માટે આંટાફેરા કરવા પડી રહયા છે. જેને લઇ લોકોમાં હતાશા ફરી વળી છે. જો કે અત્રેના મામલતદાર આર.કે. માળવીશે સંજય ટેલર
હાજર ન થયાનો ડીઓ લેટર દ્રારા રીપોર્ટ ચીટનીશ ટુ કલેકટરને કયાર્નું જણાવ્યું છે. જયારે વલસાડના ચીટનીશ ટુ કલેકટર વસાવાએ ટેલરને છૂટા કર્યા અંગેનો ડીએસઓ એ રીપોર્ટ ન કર્યો હોવાનું જણાવ્યું છે. ત્યારે વહીવટી પ્રક્રીયામાં અટવાયેલી બદલીને લઇ હાલે તો અહીંના ગરીબ પ્રજાજનોનો મરો થઇ  હયો છે.