મની એક્સચેન્જ રેકેટનો ભાંડો ફૂટ્યો: ચેન્નઇમાં જ્વેલર્સ ઉપર રેડ માં 100 કિલો સોંના સાથે રૂપિયા નવી 70 કરોડ રૂપિયા ની મળી નોટ

દેશભર માં સામાન્ય લોકો બેંકો બહાર ફિલ્ડિંગ ભરી રહ્યા છે ત્યારે  મની એક્સચેન્જ રેકેટનો ભાંડો ફૂટ્યો છે. ઇન્કમટેક્સ વિભાગ દ્ધારા ચેન્નઇમાં જ્વેલર્સના આઠ અલગ અલગ સ્થળો પર રેડ કરી  90 કરોડ રૂપિયા જપ્તા કર્યા હતા. આશ્વર્યની વાત એ છે કે તેમાંથી 70 કરોડ રૂપિયા નવી નોટ સ્વરૂપે હતી. ન્યૂઝ એજન્સી એએનઆઇના કહેવા પ્રમાણે, આટલા મોટા પ્રમાણમાં કેશ જોઇને આયકર વિભાગના અધિકારીઓ પણ ચોંકી ઉઠ્યા હતા. આ સાથે આવકવેરા વિભાગે 100 કિલોગ્રામ સોનું પણ જપ્ત કર્યુ હતું. હજુ તપાસ ચાલુ હોઇ વધુ રકમ બહાર આવે તેવી સંભાવના છે. મળતી વિગતો અનુસાર, આવકવેરા વિભાગે ચેન્નઇના અન્ના નગર અને ટી નગર સહિત આઠ સ્થળો પર રેડ મારી હતી. શ્રીનિવાસ રેડ્ડી અને શેખર રેડ્ડીની આ મામલે પૂછપરછ કરવામાં આવી રહી છે. ગુપ્ત સૂચના મળ્યા બાદ આઇટીએ કાર્યવાહી હાથ ધરી હતી. આ સાથે પ્રેમ નામના એક વ્યક્તિની પૂછપરછ કરવામાં આવી રહી છે. આ પૈસા ક્યાંથી આવ્યા અને કોના કોના છે તેની આઇટી તપાસ કરી રહ્યું છે. આ રેડથી બ્લેકમની સંબંધિત તમામ એજન્સીઓ ચોંકી ઉઠી છે. આમ બેંકો દ્વારા થઇ રહેલી ગોલમાલ ની વિગતો બહાર આવી રહી છે.