CBSE કરશે ધો-10 અને 12ની એક્ઝામ પેટર્નમાં મોટો બદલાવ

જે વિદ્યાર્થીઓ 2020માં સેન્ટ્રલ બોર્ડ ઓફ સેકન્ડરી એજ્યુકેશન બોર્ડ (સીબીએસઈ)ની પરીક્ષાઓ આપનાર છે, તેમના માટે એક જરૂરી સમાચાર છે. સીબીએસસી 2019-20થી ધોરણ 10મા અને 12માના પ્રશ્નપત્રમાં મોટી ફેરબદલ કરવા જઈ રહ્યું છે. સીબીએસઈની પ્રક્રિયામાં વોકેશનલ સબ્જેક્ટના ટેસ્ટ પેટર્ન અને રિઝલ્ટ જાહેર કરવાની પ્રક્રિયા પર નિર્ણય લેવામાં આવશે. સીબીએસઈના અધિકારીઓએ કહ્યું કે નવી પરિક્ષાની પેટર્ન વિદ્યાર્થીઓની વિશ્લેષણાત્મક ક્ષમતાને ટેસ્ટ કરશે. તેનાથી વિષયોને ગોખી કાઢવાની પ્રોસેસ પર પણ લગામ લગાવાશે. નામ ન કહેવાની શર્તે માનવ સંસાધન મંત્રાલયના એક અધિકારીએ એક ન્યૂઝ વેબસાઈટને જણાવ્યું કે, બદલતા ક્વેશ્ચન પેપર પ્રોબ્લેમ સોલ્વિંગ મોડના હશે. 1થી 5 માર્કસના નાના પ્રશ્ન વધુ હશે. વધુ ફોકસ તે બાબત પર હશે કે વિદ્યાર્થીઓની લર્નિંગ પ્રોસેસ અને તેમના વિચારોની ક્ષમતાનું મુલ્યાંકન કરવામાં આવે જેથી તેમનો માનસિક વિકાસ યોગ્ય રીતે થાય. પ્રયત્ન રહેશે કે વિદ્યાર્થીઓની ગોખણપટ્ટી પર નિયંત્રણ મુકી શકાય. તેથી સીબીએસઈએ નવી ગાઈડલાઈન્સ મંત્રાલયને સોંપી દીધી છે, જે મુજબ શાળાઓના અફિલિએશન અને નવીનીકરણ દરમિયાન ફોકસ સંસ્થાઓની અકૈડેમિક ગુણવત્તા પર હશે. શાળાઓના પાયાના નિરીક્ષણ માટે, બોર્ડ માન્યતા પ્રાપ્ત અધિકારીઓની રિપોર્ટ પર આધાર રહેશે. અધિકારીએ આગળ કહ્યું કે, આ પ્રપોઝલમાં હજુ 3-4 મહિનાનો સમય લાગી જશે, પણ બોર્ડએ આગામી સત્ર (2019-20) માટે ધો.10 અને ધો.12ના પ્રશ્નપત્ર પેટર્નમાં બદલાવ કરવાની પ્રક્રિયા શરૂ કરી દીધી છે.