આજે ભરવાડ સમાજના સંગઠન દ્વારા તેમના યુવાનોને રોજગારી પૂરી પાડવાનો કિસ્સો સામે આવ્યો છે. ભરવાડ સમાજના 151 યુવાઓને બોલેરો મેક્સી ટ્રક પ્લસ ગાડી આપીને રોજગારી મેળવવા સહાય કરી હતી.
ગુજરાત વિકાસ કરી દરેક ક્ષેત્રમાં આગળની વધી હરણફાળ ભરી રહ્યું છે, સરકાર ત્વરિત નિર્ણયો થકી ગુજરાત આજે સમૃદ્ધિના દરેક શિખરો સર કરતું જઈ રહ્યું છે. ત્યારે ભરવાડ સમાજના યુવાનો એ ભરવાડ યુવા સંગઠન બનાવ્યું છે, જેના થકી સમાજના લોકોને મદદ કરવામાં આવે છે. સમાજના ઓછી આવક ધરાવતા લોકોને વધુ સારી રોજગારીની તકો મળી રહે અને તેઓ તેમનું પરિવાર વધુ સારી રીતે ચલાવી શકે અને પોતાના બાળકોને યોગ્ય શિક્ષણ આપી શકે અને સમાજની સાથે સાથે દેશનો પણ વિકાસ થાય તેવા ઉદ્દેશ્યથી કામ કરી રહી છે.
ભરવાડ યુવા સંગઠન ના ઉપપ્રમુખ મેહુલ ભરવાડે જણાવ્યું કે હતું, સંગઠનનો મુખ્ય હેતુ સમાજના યુવાનોને પ્રશિક્ષિત કરવા, રોજગારીની તકો ઊભી કરવી, સંપૂર્ણ શિક્ષણ પૂરું કરે તેવી વ્યવસ્થા કરવાનો છે. સમાજને આરોગ્યલક્ષી સહાય કરવી, ધર્મ અને રાષ્ટ્ર ભક્તિની પ્રજવલિત રહે અને સમાજના યુવાનો દરેક ક્ષેત્રે આગળ વધે તેમજ મુખ્યધારાના પ્રવાહમાં સામેલ થાય તેવું એક બીડું ઉપાડ્યું છે.
સંગઠન હાલ યુવાનો માટે યુવા રોજગાર યોજના અમલમાં મૂકી છે, આ યોજના અંતર્ગત ગુજરાત સ્થિત સમાજના 151 યુવાનોને મહિન્દ્રા બોલેરો મેક્સિ ટ્રક પ્લસ ગાડી એક પણ રૂપિયો ભર્યા વગર માસિક 13000ના 60 સરળ હપ્તે રોજગારી કરવા માટે ગાડી આપવામાં આવી હતી. જેમાં ભરવાડ સમાજના વડીલો અને સંતોએ કાર્યક્રમમાં હાજરી આપી હતી. જેથી તેઓને ડાઉનપેમેન્ટનું કોઈ પણ જાતની ચિંતા ના રહે અને તેમના પરિવારનું ભારણ પોષણ કરી શકે.
