Samsung Galaxy A34 5G Price Cut:બજેટ અને મિડ-બજેટ સ્માર્ટફોન દિગ્ગજ સેમસંગે હવે આ ફોનની કિંમતમાં ઘટાડો કર્યો છે. કંપનીએ ભારતમાં Samsung Galaxy A34 5Gની કિંમતમાં 6,500 રૂપિયાનો ઘટાડો કર્યો છે. કિંમત ઘટાડવાનો આ નિર્ણય Galaxy A35 અને Galaxy A55 લોન્ચ થયાના થોડા અઠવાડિયા પછી લેવામાં આવ્યો છે. ગયા વર્ષે લૉન્ચ થયેલા સેમસંગના આ મિડ-રેન્જ ફોન Galaxy A34 5Gની કિંમત હવે 24,499 રૂપિયા થઈ ગઈ છે. એવી અટકળો છે કે સેમસંગ આગામી થોડા અઠવાડિયામાં Galaxy A54ની કિંમતમાં વધુ ઘટાડો કરી શકે છે.
Samsung Galaxy A34 5G ની કિંમતમાં ઘટાડો
Galaxy A34 5Gનું 8GB RAM + 128GB સ્ટોરેજ મૉડલ હવે સેમસંગ ઇન્ડિયાની વેબસાઇટ પર 24,499 રૂપિયામાં વેચાઈ રહ્યું છે. આ ફોન 30,999 રૂપિયામાં લોન્ચ કરવામાં આવ્યો હતો. જ્યાં 8GB RAM + 256GB સ્ટોરેજ મૉડલ હવે 26,499 રૂપિયામાં વેચાઈ રહ્યું છે, આ વેરિઅન્ટ 32,999 રૂપિયામાં લૉન્ચ કરવામાં આવ્યું હતું.
આ સિવાય સેમસંગ એક્સિસ બેંક ક્રેડિટ કાર્ડથી ફોન ખરીદવા પર તમને વધુ ડિસ્કાઉન્ટ મળશે. ખરીદદારો કિંમતમાં વધુ ઘટાડો કરવા માટે એક્સચેન્જ ઑફર્સ અને અન્ય ઑફર્સનો લાભ લઈ શકે છે.
Samsung Galaxy A34 5G ની વિશિષ્ટતાઓ
Galaxy A34 5G ફોન ફુલ-HD+ રિઝોલ્યુશન, 120Hz રિફ્રેશ રેટ સાથે 6.6-ઇંચ AMOLED ડિસ્પ્લે ધરાવે છે. તે octa-core MediaTek Dimensity 1080 SoC પ્રોસેસર સાથે આવે છે. સ્ટોરેજને માઇક્રોએસડી કાર્ડ દ્વારા 1TB સુધી વધારી શકાય છે.
કેમેરા વિશે વાત કરીએ તો, Galaxy A34 5Gમાં LED ફ્લેશ સાથે ટ્રિપલ રિયર કેમેરા યુનિટ છે. ટ્રિપલ રિયર કેમેરા સેટઅપમાં OIS સાથે 48-મેગાપિક્સલનો પ્રાથમિક સેન્સર, 8-મેગાપિક્સલનો સેકન્ડરી સેન્સર અને મેક્રો લેન્સ સાથે 5-મેગાપિક્સલનો સેન્સર શામેલ છે. તેમાં ફ્રન્ટમાં 13 મેગાપિક્સલ સેન્સર છે.
