Viral Video: T20 વર્લ્ડ કપ 2024માં ભારતે ગયા રવિવારે એક રોમાંચક મેચમાં પાકિસ્તાનને 6 રને હરાવ્યું હતું. તે લો સ્કોરિંગ મેચ હતી અને પાકિસ્તાનની ટીમ જીતની નજીક હતી, પરંતુ તેમ છતાં ટીમ ઈન્ડિયા જીતી ગઈ હતી. આ હાર બાદ પાકિસ્તાની ફેન્સ તેમની ટીમથી ખૂબ જ નાખુશ છે અને તેમને ટ્રોલ પણ કરી રહ્યા છે. આ મેચ બાદ ઉરુજ જાવેદ નામના વ્યક્તિએ સોશિયલ મીડિયા પર એક વીડિયો ક્લિપ શેર કરી છે, જેમાં એક મહિલા પાકિસ્તાનની હાર જોઈને રડી રહી છે. આ મહિલા બીજું કોઈ નહીં પણ પાકિસ્તાની ક્રિકેટર ઉસ્માન કાદિરની પત્ની સોબિયા ખાન છે. પાકિસ્તાન ટીમની હાર પર તેનો રડતો વીડિયો વાયરલ થઈ રહ્યો છે.
પાકિસ્તાની ક્રિકેટર ઉસ્માન કાદિરની પત્નીનો આ વીડિયો ઘણો શેર કરવામાં આવી રહ્યો છે. ઉરુજ જાવેદ નામના વ્યક્તિએ X પર શેર કરેલા પોતાના વીડિયોના કેપ્શનમાં લખ્યું, “બેશરમ લોકોએ તેમની ભાભીને રડાવી દીધી.” આ વીડિયો સોશિયલ મીડિયા પર વાયરલ થઈ રહ્યો છે અને લોકો કોમેન્ટ સેક્શનમાં ખૂબ જ મસ્તી કરી રહ્યા છે. પાકિસ્તાની ચાહકોનું નિરાશ થવું સ્વાભાવિક છે, કારણ કે આ ટૂર્નામેન્ટમાં અગાઉ યુએસએની ટીમે પણ પાકિસ્તાનને હરાવ્યું હતું. યુએસએ અને પાકિસ્તાન વચ્ચેની મેચ સુપર ઓવર સુધી ચાલી હતી, જેમાં પાકિસ્તાનની ટીમને ખરાબ બોલિંગના કારણે હારનો સામનો કરવો પડ્યો હતો.
https://twitter.com/uroojjawed12/status/1800414626485858369
ન્યૂયોર્કના નાસાઉ કાઉન્ટી સ્ટેડિયમની ધીમી પિચ પર ટોસ હાર્યા બાદ પ્રથમ બેટિંગ કરવા ઉતરેલી ટીમ ઈન્ડિયા માત્ર 119 રન સુધી જ સિમિત રહી હતી. જવાબમાં પાકિસ્તાનની ટીમે 10 ઓવર સુધી સારી બેટિંગ કરી હતી, પરંતુ તે પછી ફખર ઝમાન આઉટ થઈ ગયો હતો. આ પછી 15મી ઓવરમાં જસપ્રીત બુમરાહે મોહમ્મદ રિઝવાનને ક્લીન બોલિંગ કરીને પાકિસ્તાનને બેકફૂટ પર લાવી દીધું હતું. ત્યાર બાદ છેલ્લી ઓવરમાં ઈમાદ વસીમ અને ઈફ્તિખાર અહેમદ રનની ગતિ વધારી શક્યા ન હતા. જ્યારે વિકેટો સતત પડતી રહી હતી. આ દરમિયાન પાકિસ્તાનની ટીમ 37 બોલમાં એક પણ બાઉન્ડ્રી ફટકારી શકી ન હતી અને આ જ કારણે પાકિસ્તાનને હારનો સામનો કરવો પડ્યો હતો.
