Jawan in Japan: બોલિવૂડના કિંગ ખાન શાહરૂખ ખાન ક્લાઉડ નાઈન પર છે. તેને દુનિયાભરમાંથી પ્રેમ મળી રહ્યો છે. શાહરૂખ ખાને વર્ષ 2023 અને 2024માં જોરદાર ધૂમ મચાવી છે. અભિનેતાની ફિલ્મ જવાને બોક્સ ઓફિસના રેકોર્ડ તોડ્યા હતા. હવે આ ફિલ્મ ગ્લોબલ લેવલ પર રિલીઝ થવાની તૈયારીમાં છે. શાહરૂખ ખાનની બ્લોકબસ્ટર ફિલ્મ ‘જવાન’ હવે જાપાની માર્કેટ પર કબજો જમાવશે. કિંગ ખાનના ફેન્સ આ સમાચારથી ખુશ છે.
જવાનને જાપાનમાં રિલીઝ કરવામાં આવશે
કિંગ ખાનની બ્લોકબસ્ટર ફિલ્મ જવાન જાપાનમાં 29 નવેમ્બર 2024ના રોજ રીલિઝ થવા જઈ રહી છે. જાપાનમાં ભારતીય સિનેમાના જાણીતા વિતરક ટ્વિન દેશમાં ‘જવાન’ની રિલીઝને સંભાળશે. ફિલ્મનું એડવાન્સ બુકિંગ 5 જુલાઈ, 2024ના રોજ શરૂ થશે, જે તેની રિલીઝના ચાર મહિના પહેલા છે. ખાસ ભેટ તરીકે, જેઓ અગાઉથી ટિકિટ બુક કરાવે છે તેઓને હિટ ગીત ‘ચલેયા’માંથી શાહરૂખ ખાનની વિશિષ્ટ તસવીરો મળશે.
આ પહેલા જાપાની વીડિયો ગેમ ડિઝાઈનર હિડો કોજીમાએ શાહરૂખ ખાનની ફિલ્મ ‘પઠાણ’ના વખાણ કર્યા હતા. જાપાનમાં પણ હિન્દી અને સાઉથની ફિલ્મોને ઘણો પ્રેમ મળી રહ્યો છે. દક્ષિણની ફિલ્મ RRR એ પણ જાપાનમાં શાનદાર પ્રદર્શન કર્યું હતું.
Too busy these days, mentally and physically exhausted. Need to refill my high-octane tank. So, I saw the Indian movie "PATHAAN" in IMAX!
Well, it was awesome! I was numb! It opened my blood vessels! It was a MAD MAX level of energy! After seeing this, I think I'll be able to… pic.twitter.com/3LBJ4Brfgu— HIDEO_KOJIMA (@HIDEO_KOJIMA_EN) September 3, 2023
શાહરૂખ ખાનની ‘જવાન’ ગયા વર્ષે મોટી હિટ રહી હતી, જેણે તેની પ્રથમ રિલીઝના થોડા દિવસોમાં ભારતમાં રૂ. 761.98 કરોડ અને આંતરરાષ્ટ્રીય સ્તરે રૂ. 386.34 કરોડની કમાણી કરી હતી. એકંદરે, તેણે વિશ્વભરમાં 1148.32 કરોડ રૂપિયાની કમાણી કરી હતી.
