Gautam Gambhir: BCCI સચિવ જય શાહે ગૌતમ ગંભીરની ટીમ ઈન્ડિયાના મુખ્ય કોચ તરીકે નિમણૂકની જાહેરાત કરી છે. જય શાહે સોશિયલ મીડિયા દ્વારા પુષ્ટિ કરી છે.
ભારતીય ક્રિકેટ કંટ્રોલ બોર્ડ (BCCI)ના સચિવ જય શાહે
ગૌતમ ગંભીરની ભારતીય ક્રિકેટ ટીમના મુખ્ય કોચ તરીકે નિમણૂકની જાહેરાત કરી છે. ગૌતમ ગંભીર ટીમ ઈન્ડિયાના ઈતિહાસમાં 25માં હેડ કોચ બનવા જઈ રહ્યો છે. રાહુલ દ્રવિડે ટી20 વર્લ્ડ કપ 2024 બાદ મુખ્ય કોચનું પદ છોડી દીધું હતું. હવે ગંભીર જુલાઇના અંતમાં શ્રીલંકા સામે શરૂ થનારી શ્રેણીમાં નવા કોચ તરીકે ભારતીય ટીમ સાથે જોડાશે. હાલમાં, નેશનલ ક્રિકેટ એકેડમી (NCA) ના ડિરેક્ટર વીવીએસ લક્ષ્મણ ઝિમ્બાબ્વે પ્રવાસ પર વચગાળાના મુખ્ય કોચની ભૂમિકા ભજવી રહ્યા છે.
X દ્વારા મુખ્ય કોચ તરીકે ગંભીરની નિમણૂકની જાહેરાત કરતા, BCCI સેક્રેટરી જય શાહે કહ્યું – મને એ જાહેરાત કરતા ખૂબ જ આનંદ થાય છે કે ગૌતમ ગંભીર હવે ભારતીય ક્રિકેટ ટીમના આગામી મુખ્ય કોચ હશે.
