PM MODI: વડાપ્રધાન નરેન્દ્ર મોદી આજે નવી દિલ્હીમાં જાણીતા અર્થશાસ્ત્રીઓ સાથે ચર્ચા કરશે. તેઓ આગામી કેન્દ્રીય બજેટ માટે તેમના મંતવ્યો અને સૂચનો લેશે. આ બેઠકમાં અર્થશાસ્ત્રીઓ ઉપરાંત વિવિધ ક્ષેત્રના નિષ્ણાતો ભાગ લેશે. નીતિ આયોગના ઉપાધ્યક્ષ સુમન બેરી અને અન્ય સભ્યો પણ આ બેઠકમાં હાજરી આપશે.
સંસદનું બજેટ સત્ર આ મહિનાની 22 તારીખથી શરૂ થશે. નાણામંત્રી નિર્મલા સીતારમણ લોકસભામાં કેન્દ્રીય બજેટ 2024-25 રજૂ કરશે. નરેન્દ્ર મોદી સરકારના ત્રીજા કાર્યકાળનું આ પ્રથમ બજેટ હશે. ગયા મહિને સંસદના બંને ગૃહોની સંયુક્ત બેઠકમાં રાષ્ટ્રપતિ દ્રૌપદી મુર્મુએ કહ્યું હતું કે આ બજેટ ભવિષ્યને ધ્યાનમાં રાખીને સરકારની દૂરગામી નીતિઓનો અસરકારક દસ્તાવેજ હશે. તેમણે કહ્યું કે આ બજેટમાં મોટી આર્થિક અને સામાજિક ચિંતાઓ સાથે ઘણા ઐતિહાસિક પગલાં પણ જોવા મળશે. લોકસભા ચૂંટણીને કારણે આ મહિને ફેબ્રુઆરીમાં વચગાળાનું બજેટ રજૂ કરવામાં આવ્યું હતું.
