Supreme Court સુપ્રીમ કોર્ટે ચૂંટણી પંચને સૂચન આપ્યું: “આધાર, રેશનકાર્ડ અને મતદાર ઓળખપત્રને દસ્તાવેજ તરીકે માનો”, આગામી સુનાવણી 28 જુલાઈએ
Supreme Court બિહારમાં ચાલી રહેલી મતદાર યાદી સુધારણા પ્રક્રિયા સંબંધિત મામલામાં સુપ્રીમ કોર્ટે ચુકાદો આપ્યો છે કે આ કામગીરી અટકાવવામાં નહીં આવે. કોર્ટના જણાવ્યા અનુસાર, ચૂંટણી પંચે આ કાર્યવાહી બંધારણીય સત્તાઓ હેઠળ શરૂ કરી છે અને તે રોકવા જેવી નથી. સાથે જ કોર્ટે મહત્વપૂર્ણ સૂચન પણ આપ્યું છે કે આધાર કાર્ડ, રેશનકાર્ડ અને મતદાર ઓળખપત્ર જેવા દસ્તાવેજોને માન્ય પુરાવા તરીકે અનુસરો.
ન્યાયાધીશોનું પ્રાથમિક દ્રષ્ટિકોણ:
ન્યાયમૂર્તિ સુધાંશુ ધુલિયા અને ન્યાયમૂર્તિ જ્યોમલ્યા બાગચીની બેન્ચે સ્પષ્ટ કર્યું કે “પ્રથમ દ્રષ્ટિએ એવું માનવું છે કે મતદાર યાદી સુધારણા દરમિયાન આ દસ્તાવેજો માન્ય ધરી શકાય.”
ECI પર વિશ્વાસ, પરંતુ સમયસૂચી પર પ્રશ્ન:
કોર્ટે કહ્યું કે તેઓ ચૂંટણી પંચની પ્રામાણિકતા અને બંધારણીય જવાબદારી પર શંકા નથી કરતાં, પરંતુ તેઓ આ પ્રક્રિયાના સમયને લઈને ચિંતિત છે. “અમે કોઈ બંધારણીય સંસ્થા કે અધિકારીને પોતાની ફરજ બજાવવાનો હક નથી રાખતા, પણ અમુક મુદ્દાઓ સ્પષ્ટ કરવા જરૂરી છે,” એમ કોર્ટે ઉમેર્યું.
ચુંટણી પંચે આપી ખાતરી:
પક્ષકાર વકીલ રાકેશ દ્વિવેદી દ્વારા કોર્ટને ખાતરી અપાઈ કે આજદિન સુધી 60% મતદારોની ઓળખ ચકાસાઈ ગઈ છે અને કોઈ પણ વ્યક્તિને તેની ચર્ચા કર્યા વિના યાદીમાંથી કાઢી નાંખવામાં નહીં આવે.
કોર્ટે પૂછ્યા ત્રણ મુખ્ય પ્રશ્નો:
- ચૂંટણી પંચ પાસે મતદાર યાદીમાં સુધારાની સત્તા છે કે નહીં?
- કઈ કાનૂની અને તર્કસંગત પ્રક્રિયા અપનાવવામાં આવી છે?
- આવું સુધારણાં ક્યારે કરી શકાય?
અરજદારોની દલીલ ફગાવાઈ:
અરજદારોના વકીલોએ દલીલ કરી હતી કે ચૂંટણી પંચ પાસે એવી કવાયત કરવાની સત્તા નથી, પણ કોર્ટએ તે અસ્વીકાર કરી કહ્યું કે આ પ્રક્રિયા 2003 બાદ ફરી હાથ ધરાઈ રહી છે અને તે બંધારણીય રીતે યોગ્ય છે.
નાગરિકતા અને આધાર કાર્ડનો મુદ્દો:
દ્વિવેદીએ સ્પષ્ટ કર્યું કે આધાર કાર્ડ નાગરિકતાનો પુરાવો નથી. ન્યાયમૂર્તિ ધુલિયાએ કહ્યું, “જો નાગરિકતાની તાપસ જરૂરી હોય તો પહેલાથી પગલાં લેવા જોઈએ હતા, હવે મોડું થઈ ગયું છે.”
