સફેદ રણના નજારાઓ માણવા ઇચ્છો છો? IRCTC લાવ્યુ 3 રાત-4 દિવસનું આકર્ષક એર ટૂર પેકેજ
Rann Utsav IRCTC tour package: ગુજરાતની ધરતી તેની પ્રાકૃતિક સુંદરતા અને વૈવિધ્યસભર સંસ્કૃતિ માટે જાણીતી છે. કચ્છનો Rann Utsav tour package દર વર્ષે હજારો પ્રવાસીઓને પોતાની તરફ આકર્ષે છે. અહીંના સફેદ રણની ઝળહળતી રેતી, લોકનૃત્ય, સંગીત, હસ્તકલાના પ્રદર્શન અને પરંપરાગત વસ્ત્રો — આ બધું મળી અનોખો અનુભવ આપે છે. હવે ભારતીય રેલવેની સહાયક કંપની IRCTC એ આ લોકપ્રિય ઉત્સવને વધુ યાદગાર બનાવવા માટે એક નવું એર ટૂર પેકેજ જાહેર કર્યું છે, જેમાં તમે માત્ર રણોત્સવ જ નહીં પરંતુ ભૂજ અને ધોળાવીરાની મુલાકાતનો પણ આનંદ માણી શકશો.
આ ટૂર પેકેજમાં મળશે પ્રવાસ અને સુવિધાઓનો સંપૂર્ણ આનંદ
આ ખાસ પેકેજનું નામ છે “Christmas and New Year Special Rann of Kutch and Bhuj Air Package”. આ પ્રવાસ 3 રાત અને 4 દિવસનો રહેશે અને તેની શરૂઆત મુંબઈથી થશે. બુકિંગ કર્યા પછી પ્રવાસીઓને મુંબઈ એરપોર્ટ પરથી ફ્લાઇટ દ્વારા સીધા ભૂજ એરપોર્ટ લઈ જવાશે. આખી મુસાફરી દરમિયાન IRCTC મુસાફરોને આરામદાયક હોટેલ, સ્વાદિષ્ટ ભોજન અને માર્ગદર્શિત પ્રવાસની સુવિધા પૂરી પાડશે. સફેદ રણના અદ્ભુત નજારાઓની વચ્ચે લોક સંગીત અને કચ્છી સંસ્કૃતિનો આનંદ માણવાનો આ એક અનોખો અવસર છે.
કેટલો ખર્ચ આવશે?
આ પેકેજની કિંમત મુસાફરોની સંખ્યા મુજબ અલગ છે:
એક વ્યક્તિ માટે – ₹53,700
બે લોકો માટે (ડબલ ઓક્યૂપેન્સી) – પ્રતિ વ્યક્તિ ₹41,500
ત્રણ લોકો માટે (ટ્રિપલ ઓક્યૂપેન્સી) – પ્રતિ વ્યક્તિ ₹40,700
જો તમે આ ટૂર પેકેજ બુક કરાવવા માંગો છો તો IRCTCની ઓફિશિયલ વેબસાઇટ irctctourism.com પર જઈને ઓનલાઇન રજીસ્ટ્રેશન કરી શકો છો.
પેકેજની ખાસ વિગતો
પેકેજનું નામ: Christmas and New Year Special Rann of Kutch and Bhuj Air Package
પેકેજ કોડ: WMA84B
ડેસ્ટિનેશન: સફેદ રણ, ભૂજ, ધોળાવીરા
સમયગાળો: 4 દિવસ / 3 રાત
તારીખો: 24, 25, 30, 31 ડિસેમ્બર 2025
મિલ પ્લાન: નાસ્તો, બપોરનું ભોજન અને રાતનું ભોજન
પ્રવાસનું માધ્યમ: ફ્લાઇટ
