Kill:એક્શનથી ભરપૂર ફિલ્મ કીલની ઓટીટી રીલીઝ ડેટ જાહેર, રાઘવ જુયાલની ફિલ્મ કીલ થિયેટરો પછી ઓટીટી પર રીલીઝ થવા જઈ રહી છે.
ફિલ્મોમાં રક્તપાત, હિંસા અને હત્યાકાંડ આજકાલ સામાન્ય બની ગયા છે. ક્યાંક ને ક્યાંક દર્શકોને પણ આવી ફિલ્મો જોવી ગમે છે એટલે મેકર્સ આવી ફિલ્મો બનાવે છે. હવે થોડા દિવસો પહેલા Raghav Juyal ની ફિલ્મ ‘Kill’ સિનેમાઘરોમાં રિલીઝ થઈ હતી. આ ફિલ્મમાં એટલી બધી રક્તપાત અને હિંસા બતાવવામાં આવી હતી કે આ ફિલ્મને ભારતની સૌથી હિંસક એક્શન થ્રિલર તરીકે વર્ણવવામાં આવી હતી. હવે ‘કિલ’ ફિલ્મ થિયેટરો પછી OTT પર રિલીઝ થવા જઈ રહી છે.
‘Kill’ ક્યારે અને ક્યાં રિલીઝ થશે?
બોક્સ ઓફિસ પર ‘કલ્કી 2898 એડી’ના ઘોંઘાટ વચ્ચે રજૂ થયેલી રાઘવ જુયાલની ‘Kill ‘માં તેના ખલનાયક અભિનયની ખૂબ પ્રશંસા કરવામાં આવી હતી. માત્ર રૂ. 10 કરોડના બજેટમાં બનેલી આ ફિલ્મે સિનેમાઘરોમાં રૂ. 45 કરોડનું કલેક્શન કર્યું હતું. હવે જે લોકો તેને થિયેટરોમાં જોવાનું ચૂકી ગયા છે તેમના માટે સારા સમાચાર છે. સમાચાર છે કે ‘કિલ’ હવે OTT પર રિલીઝ થવા જઈ રહી છે. પાવરફુલ ફાઇટ સિક્વન્સ ધરાવતી આ ફિલ્મ ડિઝની પ્લસ હોટસ્ટાર પર 6 સપ્ટેમ્બરે રિલીઝ થશે.
View this post on Instagram
‘Kill’ની સ્ટારકાસ્ટ
5 જુલાઈએ સિનેમાઘરોમાં રિલીઝ થયેલી ‘કિલ’ના નિર્માતા કરણ જોહર અને ગુનીત મોંગા છે. આ ફિલ્મમાં લક્ષ્ય લાલવાણીએ ડેબ્યુ કર્યું છે. રાઘવ અને લક્ષ્યની અલાલા કિલમાં આશિષ વિદ્યાર્થી, તાન્યા માણિકતલા, અભિષેક ચૌહાણ, હર્ષ છાયા અને અદ્રિજા સિન્હા મુખ્ય ભૂમિકામાં છે. ફિલ્મમાં રાઘવ જુયાલ વિલન ફનીના રોલમાં જોવા મળે છે, તો તાન્યા માણિકતલા લક્ષ્યની ગર્લફ્રેન્ડના રોલમાં જોવા મળે છે.
શું છે ‘Kill’ ની વાર્તા?
‘Kill’ની વાર્તા વિશે વાત કરીએ તો, લક્ષ્ય એનએસએસ કમાન્ડો અમૃત રાઠોડની ભૂમિકામાં છે, જેને સમાચાર મળે છે કે તેની ગર્લફ્રેન્ડની સગાઈ થઈ ગઈ છે. તે પોતાની ગર્લફ્રેન્ડને મળવા માટે રાંચી જવા રવાના થાય છે. તેનો મિત્ર પણ તેની સાથે રાંચી જઈ રહ્યો છે. લક્ષ્યની ગર્લફ્રેન્ડ તેના પરિવાર સાથે રાંચીથી ટ્રેનમાં દિલ્હી જઈ રહી છે. અમૃત પણ તેના મિત્ર સાથે આ જ ટ્રેનમાં ચડે છે. રસ્તામાં, 40 ડાકુઓનું એક જૂથ ટ્રેનમાં ચઢે છે અને અહીંથી વાસ્તવિક વાર્તા શરૂ થાય છે.
