સરકારે કેમ બદલી એપ? ‘e-Aadhaar’ ઍપને અપગ્રેડ તરીકે કેમ રજૂ કરાઈ? યુઝર્સ માટે શું છે ખાસ ફાયદો?
સરકારે નવું e-Aadhaar ઍપ લૉન્ચ કર્યું છે, જે mAadhaar ઍપના અપગ્રેડ તરીકે રજૂ કરવામાં આવ્યું છે. UIDAIએ આ ઍપને પેપરલેસ વેરિફિકેશન જેવી સુવિધાઓ માટે રજૂ કર્યું છે. ચાલો, જાણીએ નવા e-Aadhaar અને mAadhaar ઍપમાં શું તફાવત છે?
UIDAIએ તાજેતરમાં નવું e-Aadhaar ઍપ લૉન્ચ કર્યું છે, જે હાલના m-Aadhaar ઍપની સરખામણીમાં ઘણી અપગ્રેડેડ સુવિધાઓ સાથે આવે છે. આ ઍપ તમામ Android અને iOS યુઝર્સ માટે લૉન્ચ કરવામાં આવ્યું છે. સરકારે આ ઍપ યુઝર્સને ડૉક્યુમેન્ટ વેરિફિકેશનમાં પેપરલેસ અનુભવ અને અન્ય ઑફિશિયલ કામ માટે રજૂ કર્યું છે. જોકે, નવા ઍપના લૉન્ચ થયા પછી ઘણા લોકો આ બાબતને લઈને મૂંઝવણમાં છે કે mAadhaar અને આ નવા e-Aadhaar ઍપમાં શું તફાવત છે? ચાલો, જાણીએ નવા અને જૂના mAadhaar ઍપમાં શું તફાવત છે…
UIDAI એટલે કે યુનિક આઇડેન્ટિફિકેશન ઓથોરિટી ઑફ ઇન્ડિયાએ તેના X હૅન્ડલ પરથી નવા ઍપની માહિતી શેર કરતાં કહ્યું કે આ સ્માર્ટ, સુરક્ષિત અને પેપરલેસ છે. જોકે, તે જૂના mAadhaar ઍપને રિપ્લેસ કરશે નહીં. આ બંને ઍપ્સ સ્ટૅન્ડઅલોન છે અને અલગ-અલગ કાર્યો માટે ઉપયોગ થાય છે. mAadhaar ઍપને મોબાઇલ ફર્સ્ટ પ્લૅટફૉર્મ તરીકે લૉન્ચ કરવામાં આવ્યું હતું, જ્યારે નવું e-Aadhaar ઍપ ડિજિટલ આઇડેન્ટિટીના વ્યાપક ઉપયોગ માટે લૉન્ચ કરવામાં આવ્યું છે.
mAadhaar અને નવા eAadhaar ઍપમાં શું છે તફાવત?
- mAadhaar ઍપ UIDAI દ્વારા લૉન્ચ કરવામાં આવેલું પ્રથમ ઍપ છે, જેનો ઉપયોગ ઘણી સુવિધાઓ માટે કરવામાં આવે છે. આ ઍપનો ઉપયોગ આધાર સંબંધિત સર્વિસિસ માટે કરી શકાય છે, જેમાં e-Aadhaar ડાઉનલોડ કરવા, વર્ચ્યુઅલ આઇડી (VID) જનરેટ કરવા અને PDF ડાઉનલોડ કરવા માટે થાય છે. સાથે જ, આધાર કાર્ડને લૉક કરવા અને અપડેટ કરવા જેવી સુવિધાઓ પણ આનાથી લઈ શકાય છે.
- નવા e-Aadhaar ઍપમાં યુઝર્સ 5 અલગ-અલગ આધાર પ્રોફાઇલને લિંક કરી શકે છે. તમે તમારા તમામ ફેમિલી મેમ્બર્સના આધારને આની સાથે લિંક કરી શકો છો. જોકે, આ માટે તમામ આધાર કાર્ડ એક જ મોબાઇલ નંબર સાથે લિંક હોવા જરૂરી છે. આ ઉપરાંત આ ઍપમાં ફેસ ઑથેન્ટિકેશન માટે ઉપયોગ કરી શકાય છે, જેથી આધાર કાર્ડ ખૂબ સુરક્ષિત રહેશે. સાથે જ, આના દ્વારા તમે QR કોડ મારફતે તમારી ડિજિટલ આઇડી શેર કરી શકો છો. UIDAIએ નવા e-Aadhaar ઍપને પેપરલેસ વેરિફિકેશન સર્વિસ માટે લૉન્ચ કર્યું છે.
Experience a smarter way to carry your digital identity!
The new Aadhaar App offers enhanced security, easy access, and a completely paperless experience — anytime, anywhere.
Download now!
Android: https://t.co/f6QEuG8cs0
iOS: https://t.co/RUuBvLwvsQ#Aadhaar #UIDAI… pic.twitter.com/gOwI6jH6Lu
— Aadhaar (@UIDAI) November 9, 2025
mAadhaar Vs નવું e-Aadhaar તુલનાત્મક કોષ્ટક
| mAadhaar | New e-Aadhaar |
| માત્ર એક જ પ્રોફાઇલનો ઉપયોગ કરી શકશો | એકસાથે 5 આધાર પ્રોફાઇલ જોડવાની સુવિધા |
| OTP અને PIN દ્વારા લૉગ-ઇન કરી શકો છો | ફેસ ઑથેન્ટિકેશન અને બાયોમેટ્રિક દ્વારા લૉગ-ઇન |
| e-Aadhaar PDF ડાઉનલોડ, PVC કાર્ડ ઑર્ડર કરવા સહિત ઘણી આધાર સંબંધિત સુવિધાઓ | એકથી વધુ આધાર પ્રોફાઇલ જોડવા, ડિજિટલ ID શેરિંગ, બાયોમેટ્રિક લૉકિંગ વગેરે જેવી સુવિધાઓ |
| જૂનું અને યુટિલિટી બેઝ્ડ સર્વિસ એક્સેસ માટે ડિઝાઇન કરાયેલું | મૉડર્ન અને યુઝર ફ્રેન્ડલી ઇન્ટરફેસ, પેપરલેસ વેરિફિકેશન માટે ડિઝાઇન કરાયેલું |
| પહેલા મોબાઇલ ઍપ માટે ડિઝાઇન કરાયેલું | સુરક્ષિત ડિજિટલ આઇડેન્ટિટી માટે ડિઝાઇન કરાયેલું |
