Virat Kohli Flop Show: વિરાટ કોહલીનો ફ્લોપ શો ચાલુ, મુંબઈ ટેસ્ટની બીજી ઈનિંગમાં પણ ચાહકો નિરાશ
Virat Kohli Flop Show ન્યુઝીલેન્ડ સામે મુંબઈમાં રમાઈ રહેલી ત્રીજી ટેસ્ટમાં વિરાટ કોહલીનો ફ્લોપ ચાલુ રહ્યો. મેચની બીજી ઇનિંગમાં પણ કોહલીનું બેટ શાંત રહ્યું હતું.
વિરાટ કોહલી મુંબઈમાં ન્યુઝીલેન્ડ સામેની શ્રેણીની ત્રીજી ટેસ્ટમાં સંપૂર્ણ ફ્લોપ દેખાયો. મેચની પ્રથમ ઈનિંગમાં કોહલી માત્ર 04 રન બનાવીને રનઆઉટ થયો હતો, ત્યારબાદ ચાહકોને આશા હતી કે બીજી ઈનિંગમાં કોહલીના બેટમાંથી સારી ઈનિંગ જોવા મળશે, પરંતુ એવું થઈ શક્યું નહીં. બીજી ઈનિંગમાં પણ કોહલીનો ફ્લોપ શો ચાલુ રહ્યો હતો.
Virat Kohli Flop Show મુંબઈ ટેસ્ટની બીજી ઈનિંગમાં કોહલી માત્ર 1 રન બનાવીને પેવેલિયન પરત ફર્યો હતો. આ વખતે સ્પિનર એજાઝ પટેલના બોલનો બચાવ કરતી વખતે કોહલી સ્લિપમાં ડેરિલ મિશેલના હાથે કેચ આઉટ થયો હતો.
કોહલીનો ફ્લોપ શો ઘણા સમયથી ચાલી રહ્યો છે
વાત માત્ર મુંબઈ ટેસ્ટની નથી, પરંતુ વિરાટ કોહલીનો ફ્લોપ શો છેલ્લા કેટલાક સમયથી સતત જોવા મળી રહ્યો છે. ન્યૂઝીલેન્ડ સામે રમાયેલી શ્રેણીની છેલ્લી બે ટેસ્ટમાં પણ કોહલી સંપૂર્ણ રીતે ફ્લોપ જતો જોવા મળ્યો હતો.
ન્યૂઝીલેન્ડ સામેની શ્રેણીની પ્રથમ ટેસ્ટ બેંગલુરુમાં રમાઈ હતી. આ મેચમાં કોહલી પ્રથમ દાવમાં ખાતું ખોલાવ્યા વગર જ આઉટ થઈ ગયો હતો. જોકે તેણે બીજી ઇનિંગમાં 70 રન બનાવ્યા હતા. પરંતુ ત્યારબાદ ફરી એકવાર કોહલીનો બીજી ટેસ્ટમાં ફ્લોપ શો જોવા મળ્યો.
પુણેમાં રમાયેલી બીજી ટેસ્ટમાં કોહલીએ પ્રથમ દાવમાં 1 રન બનાવ્યો હતો અને બીજી ઈનિંગમાં માત્ર 17 રન જ બનાવી શક્યો હતો. તેવી જ રીતે મુંબઈ ટેસ્ટની બંને ઇનિંગ્સમાં તેના બેટમાંથી 04 અને 01 રન આવ્યા હતા.
બાંગ્લાદેશ શ્રેણીમાં પણ કોહલી ફ્લોપ રહ્યો હતો
ન્યુઝીલેન્ડ પહેલા ટીમ ઈન્ડિયાએ બાંગ્લાદેશ સામે બે મેચની હોમ ટેસ્ટ સીરીઝ રમી હતી. બાંગ્લાદેશ સામેની શ્રેણીમાં પણ કોહલીનો ફ્લોપ શો જોવા મળ્યો હતો. ચેન્નાઈમાં બાંગ્લાદેશ સામેની પ્રથમ ટેસ્ટમાં કોહલીએ બંને દાવમાં 6 અને 17 રન બનાવ્યા હતા. જો કે કોહલીએ કાનપુરમાં રમાયેલી શ્રેણીની બીજી ટેસ્ટમાં 47 અને 29* રન બનાવ્યા હતા, પરંતુ તે અડધી સદી સુધી પહોંચી શક્યો ન હતો.
