Olympic: ICCના અધ્યક્ષ જય શાહે ઓલિમ્પિકમાં ક્રિકેટને પ્રોત્સાહન આપ્યું, ઓસ્ટ્રેલિયામાં મહત્વની બેઠક
ICCના અધ્યક્ષ જય શાહે ક્રિકેટને વિશ્વભરમાં લોકપ્રિય બનાવવાની દિશામાં વધુ એક મોટું પગલું ભર્યું છે. તેઓ તાજેતરમાં ઓસ્ટ્રેલિયાના બ્રિસ્બેન પહોંચ્યા હતા, જ્યાં તેઓ 2032 ઓલિમ્પિક ઓર્ગેનાઈઝિંગ કમિટીને મળ્યા હતા. 2032 ઓલિમ્પિક્સ ઓસ્ટ્રેલિયાના બ્રિસ્બેનમાં યોજાશે અને આ ઈવેન્ટમાં ક્રિકેટને સામેલ કરવાની જાહેરાત થઈ ચૂકી છે. આ પહેલા ક્રિકેટ 2028 લોસ એન્જલસ ઓલિમ્પિકમાં પણ પુનરાગમન કરી રહ્યું છે, જેના માટે જય શાહે મહત્વપૂર્ણ યોગદાન આપ્યું છે.
Very exciting time ahead for Cricket’s involvement in the Olympics movement – a meeting with the @Brisbane_2032 organizing committee in Brisbane, Australia today.@ICC | @Olympics | @CricketAus | @BCCI | #brisbane2032 pic.twitter.com/JVyMbkCYrz
— Jay Shah (@JayShah) December 12, 2024
Olympic: બ્રિસ્બેનમાં આયોજિત આ બેઠક દરમિયાન જય શાહે ક્રિકેટના ભવિષ્ય અંગે મહત્વની ચર્ચા કરી હતી. તેણે સોશિયલ મીડિયા પર આ મીટિંગની કેટલીક વીડિયો ક્લિપ્સ પણ શેર કરી હતી, જેમાં તેના પ્રયાસોની ઝલક જોવા મળી હતી. આ સિવાય બીસીસીઆઈના વચગાળાના સચિવ દેવજીત સૈકિયા પણ આ સમયગાળા દરમિયાન બ્રિસ્બેનમાં હાજર હતા, જેઓ ભારતીય ક્રિકેટ બોર્ડ અને ક્રિકેટ ઓસ્ટ્રેલિયા વચ્ચેના સંબંધોને મજબૂત બનાવવાની દિશામાં કામ કરી રહ્યા છે.
એવી અપેક્ષા રાખવામાં આવે છે કે 2028 ઓલિમ્પિકમાં ક્રિકેટની વાપસી બાદ 2032 ઓલિમ્પિકમાં મોટા પાયા પર તેનું આયોજન કરવામાં આવશે. આ પગલાથી ક્રિકેટને વૈશ્વિક ઓળખ મળશે અને તેને વધુ લોકપ્રિય બનાવવા માટે મોટા ફેરફારો થઈ શકે છે, જેમ કે ટીમોની સંખ્યામાં વધારો.
