Azerbaijan Airlines Plane Crash : પોતાનુ જીવન ગુમાવી પેસેન્જરોનું રક્ષણ: કઝાકિસ્તાન પ્લેન ક્રેશમાં પાયલટની બહાદુરીથી 32 જીવન બચ્યા!
અઝરબૈજાન એરલાઈન્સનું વિમાન ક્રેશ થયું
કઝાકિસ્તાનમાં પ્લેન આગના ગોળામાં ફેરવાઈ ગયું
વિમાનમાં 67 મુસાફરો સવાર હતા, 32ને જીવતા બચાવી લેવામાં આવ્યા
Azerbaijan Airlines Plane Crash : અઝરબૈજાન એરલાઈન્સે જણાવ્યું કે એમ્બ્રેર 190 એરક્રાફ્ટને શહેરથી ત્રણ કિલોમીટર દૂર ઈમરજન્સી લેન્ડિંગ કરવું પડ્યું, જે દરમિયાન આ ભયાનક અકસ્માત થયો. ઘટનાસ્થળે હાજર ઇમરજન્સી કામદારોએ જણાવ્યું હતું કે ક્રેશમાં બંને પાઇલોટ્સ મૃત્યુ પામ્યા હતા.
બુધવારે કઝાકિસ્તાનના અક્તાઉ શહેરમાં એક પેસેન્જર પ્લેન ક્રેશ થયું હતું. આ પ્લેન જ્યારે હવામાંથી જમીન તરફ આવી રહ્યું હતું ત્યારે હવામાં આગ લાગી હતી. આ ભયાનક દુર્ઘટનામાં પ્લેનમાં સવાર 72 લોકોમાંથી 40 લોકોના મોત થયા હોવાનું કહેવાય છે. જ્યારે 32 લોકોને ઈજાગ્રસ્ત હાલતમાં જીવતા બચાવી લેવાયા હતા. વિમાન દુર્ઘટના સમયે લીધેલા વીડિયો અને તસવીરોના આધારે દાવો કરવામાં આવી રહ્યો છે કે જો પાયલોટે બહાદુરી અને ડહાપણ ન દાખવ્યું હોત તો મૃતકોની સંખ્યા ઘણી વધી શકી હોત. આ દુર્ઘટનામાં પ્લેનમાં સવાર દરેક વ્યક્તિએ જીવ ગુમાવ્યો હોય તેવી પણ શક્યતા હતી.
દુર્ઘટના બાદ બચાવ કાર્યમાં લાગેલા કર્મચારીઓનો વિડિયો શેર કરતી વખતે, RT Indiaએ લખ્યું, ‘કઝાખસ્તાનમાં પ્લેન ક્રેશના સ્થળે પહોંચેલી બચાવ ટીમના ફૂટેજ દર્શાવે છે કે પાઇલટ ઝડપથી નિષ્ફળ જતા સાધનો સાથે સંઘર્ષ કરી રહ્યો હતો. પાયલોટે કોઈક રીતે લેન્ડિંગ પહેલા પ્લેનનું ઈંધણ કાઢી નાખ્યું, જેનાથી પ્લેનની ઈંધણની ટાંકીમાં મોટો વિસ્ફોટ ટળી ગયો. તેમના આ બહાદુર કાર્યથી લગભગ અડધા એટલે કે જહાજમાં સવાર 32 લોકોના જીવ બચી ગયા છે.
વિમાન રશિયા જઈ રહ્યું હતું
વિમાનમાં વિસ્ફોટથી બચવા માટે ઈંધણ કાઢી નાખવાનો નિર્ણય કરીને અનેક જીવ બચાવનાર પાઈલટને આ અકસ્માતમાં બચાવી શકાયો નહોતો. આ દુર્ઘટનામાં બંને પાયલોટના મોત થયા છે. દુર્ઘટનાનો ભોગ બનેલી અઝરબૈજાન એરલાઈન્સની ફ્લાઈટ નંબર J2-8243 બુધવારે અઝરબૈજાનની રાજધાની બાકુથી રશિયાના ગ્રોઝની તરફ જઈ રહી હતી. વિમાનમાં 67 મુસાફરો સાથે પાંચ ક્રૂ મેમ્બર હતા. કઝાકિસ્તાનના અક્તાઉ શહેરમાં વિમાનમાં આગ લાગી હતી. વિમાનમાં સવાર મોટાભાગના લોકો અઝરબૈજાનના હતા. વિમાનમાં રશિયા, કઝાકિસ્તાન અને કિર્ગિસ્તાનના લોકો પણ સવાર હતા.
ક્રેશનું કારણ હજુ સુધી જાણી શકાયું નથી. અહેવાલો અનુસાર ગાઢ ધુમ્મસના કારણે પ્લેનને ડાયવર્ટ કરવામાં આવ્યું હતું. દુર્ઘટના પહેલાના કેટલાક ફૂટેજમાં વિડિયોમાં પ્લેન ઝડપથી નીચે ઉતરતું જોવા મળ્યું હતું કે તરત જ પ્લેન લેન્ડ કરવાનો પ્રયાસ કરતું હતું, તે આગના ગોળામાં ફેરવાઈ ગયું હતું. આ ભયાનક અકસ્માતમાં 32 લોકોનો આબાદ બચાવ થયો હતો.
