RJ Simran Singh Death: પ્રખ્યાત આરજે સિમરન સિંહનું શંકાસ્પદ પરિસ્થિતિમાં મૃત્યુ, ફ્લેટમાં મળી આવ્યો મૃતદેહ
25 વર્ષીય સિમરનનો મૃતદેહ ગુરુગ્રામમાં તેના ફ્લેટમાંથી મળી આવ્યો
સિમરનના ઈન્સ્ટાગ્રામ એકાઉન્ટ પર 6 લાખથી વધુ ફોલોઅર્સ
RJ Simran Singh Death : પ્રખ્યાત આરજે અને સોશિયલ મીડિયા પ્રભાવક સિમરન સિંહનું અવસાન થયું છે, ગુરુગ્રામ પોલીસ સૂત્રોના જણાવ્યા અનુસાર, તેણે ફાંસી લગાવીને આત્મહત્યા કરી છે. 25 વર્ષીય સિમરનનો મૃતદેહ ગુરુગ્રામમાં તેના ફ્લેટમાંથી મળી આવ્યો હતો. હાલ ઘટનાસ્થળેથી કોઈ સુસાઈડ નોટ મળી નથી.
પોલીસના જણાવ્યા અનુસાર, સિમરન ગુરુગ્રામ સેક્ટર 47માં એક ફ્લેટમાં ભાડે રહેતી હતી. જણાવવામાં આવી રહ્યું છે કે તેમની સાથે એક યુવક પણ રહે છે, જેણે આ અંગે પોલીસને જાણ કરી હતી. પોલીસે પોસ્ટમોર્ટમ કરાવી લાશ પરિવારજનોને સોંપી છે. એવું કહેવામાં આવી રહ્યું છે કે પરિવારના સભ્યોએ કોઈપણ પ્રકારની આત્મહત્યાનો ઇનકાર કર્યો છે.
સિમરન જમ્મુના નાનક નગરની રહેવાસી હતી.
મળતી માહિતી મુજબ, સિમરન જમ્મુના નાનક નગરની રહેવાસી હતી, આ અંગે તેના પરિવારનો સંપર્ક કરવામાં આવ્યો છે. તેના પિતાનું નામ જસવિન્દર છે. પોલીસના જણાવ્યા અનુસાર, માહિતી મળ્યા પછી, તેઓ તેને વિસ્તારની પાર્ક હોસ્પિટલમાં લઈ ગયા, જ્યાં ડૉક્ટરોએ તેને મૃત જાહેર.કરી. આ અંગે ગુનો નોંધી વધુ તપાસ હાથ ધરી છે.
https://twitter.com/snehamordani/status/1872258002692272527
સિમરનના ઈન્સ્ટાગ્રામ એકાઉન્ટ પર 6 લાખથી વધુ ફોલોઅર્સ
માહિતી અનુસાર, રેડિયો મિર્ચીમાં આરજે તરીકે કામ દરમિયાન તેમની એક અલગ ઓળખ હતી, તેમણે વર્ષ 2021માં રેડિયો મિર્ચી છોડી દીધી હતી. હાલમાં, તેણી તેના સોશિયલ મીડિયા એકાઉન્ટ પર વિડિઓઝ પોસ્ટ કરતી હતી અને કેટલાક ફ્રીલાન્સિંગ કામ પણ કરતી હતી. તેના ઈન્સ્ટાગ્રામ એકાઉન્ટ પર 6 લાખથી વધુ લોકો તેને ફોલો કરે છે.
View this post on Instagram
