વડોદરા ના ફાર્મ હાઉસ પર દારૂ ની મહેફીલ માં પી’ને ઝૂમી રહેલા 160 થી વધુ રઈસ ઝડપાયા:દારૂ નો મોટો જથ્થો જપ્ત..

દારૂબંધી ના કાયદા નું વડોદરા માં છેડેચોક ઉલ્લંઘન ખુલ્લેઆમ કરવાની ચોંકાવનારી ઘટના પ્રકાશ માં આવી છે ,બિયર પાર્ટી માં દારૂ ની ચુસકીઓ મારી ને સંગીત ના તાલે ઝુમતા શોખીનો ની મોટી સંખ્યા માં લોક ની ધરપકડ કરાઈ છે અને દારૂ નો મોટો જથ્થો મળી આવ્યો હતો.શહેર નજીક આવેલા ભીમપુરા પાસેના અખંડ ફાર્મ હાઉસમાં જામેલી દારૂની મહેફિલ પર રાતે જિલ્લા પોલીસે દરોડો પાડતા 200થી વધુ ઉધોગપતિ,વેપારીઓ સહિતના મોટા માથાં ઝડપાયા હતા.મહેફિલના સમયે 70થી વધુ મહિલાઓની હાજરી જોઇને પોલીસ પણ ચોંકી ઉઠી હતી.રાજયમાં દારૂબંધી વધુ કડક બનાવ્યા બાદ જિલ્લા પોલીસે આ અંગે પ્રથમ ગુનો નોંધી કાર્યવાહી કરી હતી.ફાર્મ હાઉસના માલિક અને મોટા ગજાના ઉઘોગપતિ જિતેન્દ્ર શાહની પૌત્રીની સગાઇ નિમિત્તે દારૂની મહેફિલમાં ઇમ્પોર્ટેડ સ્કોચ અને બિયરનો જથ્થો મહેમાનો માટે રખાયો હતો.શહેર નજીક આવેલા ભીમપુરા પાસેના અખંડ ફાર્મ હાઉસમાં શુક્રવારે રાત્રે દારૂની મહેફિલ ચાલતી હોવાની જિલ્લા પોલીસને બાતમી મળી હતી.જેને પગલે 50થી વધુ પોલીસ કર્મચારીઓએ રાત્રે 10.30 વાગ્યાના અરસામાં દરોડો પાડયો હતો.પોલીસે ફાર્મ હાઉસમાં એન્ટ્રી કરી ત્યારે 200થી વધુ લોકો ત્યાં હાજર હતા.જેમાં 70 જેટલી મહિલાઓ પણ હતી.પોલીસે તપાસ કરતા 10થી 15 પેટી વિદેશી દારૂ મળી આવ્યો હતો.તેમજ મોટાભાગના લોકો નશાની હાલતમાં હોવાનું પ્રાથમિક તપાસમાં જણાયું હતું.જેને પગલે પોલીસે તમામની અટકાયત કરી દારૂનો જથ્થો કબજે કર્યો હતો.
મહેફિલમાં પોલીસે પાડેલા દરોડામાં પકડાયેલા પૈકી મોટાભાગના ઉઘોગપતિઓ,વેપારીઓ સહિતની નામાંકિત હસ્તીઓ હોવાનું બહાર આવ્યું હતું.જો કે પોલીસ કાર્યવાહીમાં વ્યસ્ત હોવાથી નામ જાણી શકાયા ન હતા.પોલીસે આ અંગે દારૂબંધીના સુધારેલા કાયદા મુજબ ગુનો નોંધી આગળની કાર્યવાહી હાથ ધરી હતી.પોલીસે દરોડો પાડતા હાઇ-ફાઇ પાર્ટીમાં સન્નાટો છવાઇ જવા પામ્યો હતો.પોલીસે મોડી રાતે પંચનામુ કરવાની કાર્યવાહી હાથ ધરી હતી.ઉઘોગપતિ જિતેન્દ્ર શાહની પૌત્રીની સગાઇ નિમિત્તે તેમની માલિકીના ફાર્મ હાઉસમાં મહેફિલનું આયોજન કરાયુ હોવાનું પોલીસની પ્રાથમિક તપાસમાં સપાટી પર આવ્યું હતું. પોલીસે કોઈની શેહ શરમ રાખ્યા વગર કડક કાર્યવાહી હાથ ધરી છે.