વલસાડ જિલ્લામાં રાષ્ટ્રીય તમાકુ નિયંત્રણ કાર્યક્રમ અંર્તગત તમાકુની બનાવટનું બિન અધિકૃત રીતે વેચાણ અને આનુસંગિક નિયમ માટે ટાસ્ક માટે ફોર્સની રચના કલેકટર વલસાડના અધ્યક્ષ સ્થાને કરવામાં આવેલી છે.
વલસાડ જિલ્લા આરોગ્ય વિભાગ, ફુડ એન્ડ ડ્રગ વિભાગ સાથે મળી સ્ટીયરિંગ કમિટી દ્વારા વલસાડ શહેરમાં તમાકુ કે તમાકુની બનાવટ વેચતા નાના મોટા પાનના ગલ્લા, પાર્લર વગેરે જગ્યાએ કુલ-૧૫ દુકાનદારો અને જાહેરમાં ધુમ્રપાન કરનાર-૨ વ્યકિત સહિત કુલ-૧૭ લોકો પાસેથી ૩૧૫૦/- રકમનો દંડ વસુલ કરવામાં આવ્યો છે.
કલમ-૬(અ)૧૮ વર્ષથી નાની વયની વ્યકિતને તમાકુનું વેચાણ પર પ્રતિબંધ છે. કલમ-૬(બ) શૈક્ષણિક સંસ્થાની ૧૦૦ વારની ત્રિજયામાં તમાકુ કે તમાકુનું વેચાણ પર પ્રતિબંધ છે. સ્ટીયરીંગ કમિટી દ્વારા વલસાડ શહેરના પાનના ગલ્લા, પાર્લર વગેરે જગ્યાએ ચેતવણી આપવામાં આવી અને તમાકુથી કેન્સર થાય છે એવી આરોગ્ય વિષયક ચેતવણી વિના સિગારેટ અને તમાકુની અન્ય બનાવતોનું છુટક
વેચાણ પર પ્રતિબંધ છે એમ સુચના આપવામાં આવી હતી.
આ કામગીરી અત્રેના ડીસ્ટ્રીકટ ટોબેકો કંટ્રોલ સેલ દ્વારા કરવામાં આવી છે. જેમાં આરોગ્ય વિભાગના એપેડેમિક મેડિકલ ઓફિસર ડો.મનોજ પટેલ, ફુડ વિભાગમાંથી કે.જે. પટેલ, પોલીસ વિભાગમાંથી પી.આઇ. એચ.જે.ભટ્ટ અને એલ.એસ.બી.સી કલ્પેશ ચૌધરી, અરવિંદ ચૌધરી જિલ્લા ટોબેકો સેલમાંથી ઇ.સી.એસ.એસ. યોગેશ જી. પટેલ પ્રોગ્રામ આસિસ્ટન્ટ પીયુષભાઇ લાડ અને સોશિયલ વર્કર
અલ્પેશ એ. પટેલ કાઉન્સેલર સુમિત્રાબેન બાગુલ દ્વારા આ કામગીરી કરવામાં આવી છે.
SATYA DESK
Satyaday, Gujarat’s largest language media group, brings to you the most comprehensive Gujarati News Website. The app covers Latest Gujarati news from all around the world giving you a complete up-to-date coverage on news anytime and anywhere.