IND vs ENG 3rd Test: લોર્ડ્સમાં ઇતિહાસ રચાયો,બંને ટીમોનો પહેલી ઇનિંગમાં સરખો સ્કોર
IND vs ENG 3rd Test ભારત અને ઇંગ્લેન્ડ વચ્ચે લંડનના લોર્ડ્સ ક્રિકેટ ગ્રાઉન્ડ પર ચાલી રહેલી ત્રીજી ટેસ્ટ મેચમાં અનોખો ઈતિહાસ રચાયો છે. લોર્ડ્સમાં પ્રથમ વખત એવું બન્યું છે કે ટેસ્ટ મેચની બંને ટીમોએ પહેલી ઇનિંગમાં સરખો સ્કોર નોંધાવ્યો છે – 387 રન.
સમાન સ્કોર, લીડ નહીં
ટોસ જીતીને બેન સ્ટોક્સની કાપ્તાની હેઠળ ઇંગ્લેન્ડે પ્રથમ બેટિંગ કરતા 387 રન બનાવ્યા હતા. જો રૂટે શાનદાર 104 રનની ઇનિંગ રમી હતી, જયારે જેમી સ્મિથે 51 રન બનાવતાં ઇંગ્લેન્ડનો સ્કોર મજબૂત થયો.
જવાબમાં, ભારતે પણ સારો પ્રદર્શન આપ્યું. કેએલ રાહુલે સદી (100) ફટકારી, રવિન્દ્ર જાડેજા (72), ઋષભ પંત (74) અને કરુણ નાયરે (40) રન બનાવ્યાં. છેલ્લે સાઈરાજ અને વોશિંગ્ટન સુંદરની જોડી ભારતને પણ 387 સુધી પહોંચાડી ગઈ.
ક્રિકેટ ઇતિહાસમાં ફક્ત ત્રીજી વાર – ભારત માટે ખાસ ઘટના
ટેસ્ટ ઇતિહાસમાં આ માત્ર 9મી વાર છે જ્યારે બંને ટીમોનો પ્રથમ દાવમાં સ્કોર સમાન રહ્યો છે. ભારત માટે આવી ઘટના ફક્ત ત્રીજી વાર બની છે:
- 1958 – ભારત vs વેસ્ટ ઇન્ડીઝ (કાનપુર) – ડ્રો
- 1986 – ભારત vs ઇંગ્લેન્ડ (બર્મિંગહામ) – ડ્રો
- 2025 – ભારત vs ઇંગ્લેન્ડ (લોર્ડ્સ) – ચાલુ મેચ
વિશેષ વાત એ છે કે અગાઉ ભારત માટે બનેલી બંને મેચો ડ્રો રહી હતી. હવે જોવું રહ્યું કે લોર્ડ્સ ટેસ્ટ કઈ દિશામાં વળે છે.
લોર્ડ્સમાં પ્રથમ વખત એવું બન્યું
લોર્ડ્સના ઈતિહાસમાં અત્યાર સુધી કોઈ ટેસ્ટ મેચની પ્રથમ ઇનિંગમાં બંને ટીમોનો સ્કોર સમાન રહ્યો નથી. એટલે આ મેચ લોર્ડ્સના ઈતિહાસમાં પણ નોંધપાત્ર બની ગઈ છે.
શ્રેણી સ્થિતિ
- પ્રથમ ટેસ્ટ: ઇંગ્લેન્ડે જીત્યો
- બીજી ટેસ્ટ: ભારતે જીત મેળવી
- ત્રીજી ટેસ્ટ: હાલ સમતોલ સ્થિતિમાં છે
