Shilpa Shirodkar Ambaji: શિલ્પા શિરોડકર અંબાજી મંદિરે પહોંચી: ફિલ્મ શૂટિંગ વચ્ચે માં અંબાના દર્શન અને શિવ પૂજા
Shilpa Shirodkar Ambaji: 90ના દાયકાની પ્રખ્યાત બોલીવુડ અભિનેત્રી શિલ્પા શિરોડકર અંબાજી મંદિરની મુલાકાતે આવી. હાલમાં તેઓ રાજસ્થાનમાં પોતાની નવી ફિલ્મ ‘જટાધારા’નું શૂટિંગ કરી રહ્યા છે, જેની વચ્ચે માં અંબાના દર્શન કરવા માટે અંબાજી પહોંચ્યા.
અભિનેત્રી સહ-કલાકાર રવિ પાઠક સાથે મંદિર પહોંચ્યા હતા, જ્યાં મંદિર ટ્રસ્ટ દ્વારા તેમનું ભવ્ય સ્વાગત કરવામાં આવ્યું. મંદિર પરિસરમાં તેમણે સિદ્ધિવિનાયક મંદિર, માતાજીની ગાદી અને ભૈરવજી મંદિરના દર્શન કર્યા. સાથે જ વિશ્વના સૌથી મોટા શ્રી યંત્રના દર્શન કરીને દિવ્ય આનંદની અનુભૂતિ કરી.
શિલ્પા શિરોડકરે અંબિકેશ્વર મહાદેવ મંદિરમાં જળાભિષેક કરી શિવ પૂજા પણ કરી. માતાજીના આશીર્વાદ લીધા બાદ, મંદિર ટ્રસ્ટ અને ભક્તો પ્રત્યે આભાર વ્યક્ત કરતાં કહ્યું કે અંબાજી આવીને અનોખી શાંતિ અને દિવ્યતા અનુભવાય છે.
ઉલ્લેખનીય છે કે શિલ્પા શિરોડકરે અમિતાભ બચ્ચન, ગોવિંદા, અનિલ કપૂર અને સુનિલ શેટ્ટી જેવા દિગ્ગજ અભિનેતાઓ સાથે કામ કર્યું છે.
