e-Kisan Upaj Nidhi: ઈ-કિસાન ઉપજ નિધિ યોજના: હવે ખેડૂતોને 21 લાખ રૂપિયાની લોન, જાણો કેવી રીતે મળશે લાભ
e-Kisan Upaj Nidhi: નવી યોજના હેઠળ ખેડૂતોને મળશે સહાય.. ઈ-કિસાન ઉપજ નિધિ (e-KUN) યોજના હેઠળ, દેશના 26 બેંકો સાથે જોડાયેલા ખેડૂતોને સહાય મેળવવાની તક મળી રહી છે. આ યોજનાના અમલ બાદ 17 માર્ચ સુધીમાં દેશભરના 19 ખેડૂતોને લોન મળી છે, જેમાં કુલ રૂ. 21,61,700 નું વિતરણ કરવામાં આવ્યું છે.
કઈ રીતે મળી શકે છે લોન?
સરકાર દ્વારા જાહેર કરાયેલા આંકડા મુજબ, ઇ-કિસાન ઉપજ નિધિ પોર્ટલ પર સૌથી વધુ અરજી કરનારા ખેડૂત રાજસ્થાનમાંથી છે, જ્યાં 10 ખેડૂતોને લોન મળેલી છે. જ્યારે ગુજરાતમાંથી 5, મધ્યપ્રદેશમાંથી 2, અને આંધ્રપ્રદેશ અને કર્ણાટકના 1-1 ખેડૂતોને લોન મળી છે.
યોજનામાં કઈ બેંકોનો સમાવેશ થાય છે?
આ યોજના હેઠળ કુલ 26 બેંકો જોડાઈ છે, જેમાં 12 રાષ્ટ્રીયકૃત અને 14 પ્રાદેશિક ગ્રામીણ બેંકો શામેલ છે. કેટલાક મુખ્ય બેંકોમાં પંજાબ નેશનલ બેંક, સ્ટેટ બેંક ઓફ ઇન્ડિયા, સેન્ટ્રલ બેંક, આઈસીઆઈસીઆઈ બેંક, અને યુકો બેંકનો સમાવેશ થાય છે. તેમજ, બરોડા ગુજરાત ગ્રામીણ બેંક, કર્ણાટક ગ્રામીણ બેંક, અને મધ્યપ્રદેશ ગ્રામીણ બેંક જેવી પ્રાદેશિક બેંકો પણ આ યોજના સાથે જોડાઈ છે.
કઈ રીતે ખેડૂતોને મળશે લાભ?
ખેડૂતોએ વેરહાઉસિંગ ડેવલપમેન્ટ એન્ડ રેગ્યુલેટરી ઓથોરિટી (WDRA) માં નોંધાયેલ વેરહાઉસમાં પોતાની ઉપજ સંગ્રહ કરેલી હોવી જોઈએ.
આ ઉપજ સામે ‘ઈલેક્ટ્રોનિક નેગોશિયેબલ વેરહાઉસ રસીદ’ બેંકોમાં રજૂ કરીને લોન મેળવી શકાય છે.
લોન મેળવવા માટે કોઈ સુરક્ષા જમા રાખવાની જરૂર નથી.
ખેડૂતને 7% વ્યાજ દરે લોન આપવામાં આવશે.
યોજનાનો ઉદ્દેશ્ય શું છે?
આ યોજના ખેડૂતોને તેમની ઉપજ ઓછી કિંમતે વેચવાને બદલે, સરકારી ગોડાઉનમાં સંગ્રહ કરવાની તક આપે છે. જો ખેડૂતને નાણાકીય જરૂર હોય, તો તે આ ઉપજ સામે લોન મેળવી શકે છે અને યોગ્ય સમયે બજારમાં સારી કિંમતે પેદાશ વેચી શકે છે.
ખેડૂતો માટે આ યોજના ખૂબ લાભદાયી સાબિત થઈ શકે છે, કારણ કે તેઓ પોતાના પાકના સંગ્રહ માટે કોઈ ખોટ નહીં ઉઠાવી અને જરૂરિયાત મુજબ નાણાં મેળવી શકશે.
