Ashwagandha Farming: મોટા નફા માટે અશ્વગંધાની ખેતી! ઓછા ખર્ચે વધુ કમાણી, જાણો સંપૂર્ણ પદ્ધતિ
Ashwagandha Farming : ઉત્તર પ્રદેશના ગોંડા જિલ્લાના પ્રગતિશીલ ખેડૂત શિવકુમાર મૌર્ય આજે અશ્વગંધાની ખેતી કરીને ધણો મોટો નફો રહ્યા છે. અશ્વગંધા એક ઔષધીય વનસ્પતિ છે, જે આયુર્વેદમાં તેની અનેક ઔષધિય ગુણધર્મો માટે પ્રખ્યાત છે. આ વનસ્પતિની ખેતી ઓછા ખર્ચે થાય છે, પણ તેની બજારમાં ખુબ જ માંગ છે.
અશ્વગંધાની ખેતી માટે યોગ્ય જમીન અને માટી પસંદ કરવી જરૂરી છે. દૃઢ અને સારી ડ્રેનેજવાળી જમીન આ પાક માટે ઉત્તમ ગણાય છે. નર્સરી તૈયાર કરવા માટે સારા બીજ પસંદ કરીને નર્સરી બેડ બનાવવું પડે છે. નર્સરી પ્લાન્ટ તૈયાર થયા બાદ તેને ખેતરમાં વાવવામાં આવે છે. આ પાક ઓછા પાણીમાં પણ ટકી શકે છે, એટલે ટપક સિંચાઈ પદ્ધતિ શ્રેષ્ઠ માનવામાં આવે છે. સજીવ ખાતર જેવા કે દેશી ગાયનું છાણ, વર્મી-કમ્પોસ્ટ અને અન્ય ઓર્ગેનિક ખાતરનો ઉપયોગ પાકના ઉત્પાદનને સુધારવામાં મદદ કરે છે.
અશ્વગંધાનું મૂળ અને પાંદડા બજારમાં ખૂબ જ લોકપ્રિય છે, અને કાપણી બાદ યોગ્ય રીતે તેને સુકવી અને સંગ્રહ કરવાથી વધુ ભાવ મળે છે. બજારમાં અશ્વગંધાની કિંમત ₹40,000 થી ₹60,000 પ્રતિ ક્વિન્ટલ સુધી પહોંચી શકે છે. એક એકરમાં યોગ્ય ખેતી દ્વારા ખેડૂત વર્ષમાં ₹2 થી ₹3 લાખ સુધીની કમાણી કરી શકે છે.
આયુર્વેદમાં અશ્વગંધા તણાવ ઘટાડવા, સ્ટેમિના વધારવા અને રોગપ્રતિકારક શક્તિ વધારવા માટે જાણીતી છે. તે કોર્ટિસોલ હોર્મોનને સંતુલિત કરી મનને શાંતિ આપે છે. રમતવીરો અને જિમ જનારાઓ માટે તે ખૂબ ફાયદાકારક છે, કારણ કે તે સ્નાયુઓને મજબૂત બનાવે છે અને થાક ઘટાડે છે. શરીરમાં એન્ટીઑકિસડન્ટ સ્તર વધારો કરીને તે રોગપ્રતિકારક શક્તિમાં સુધારો કરે છે.
આજે અશ્વગંધાની માંગ દેશ-વિદેશમાં વધી રહી છે, જેનાથી ખેડૂતો માટે આ એક સારો વિકલ્પ બની શકે છે. જો તમે પણ ઓછા ખર્ચે વધુ નફો કમાવવા માંગતા હો, તો અશ્વગંધાની ખેતી એક ઉત્તમ વિકલ્પ બની શકે છે.
