Wife Paid for Housework: બાળકો ઉછેરવા મળે છે મોટો પગાર, કોર્પોરેટ નોકરી કરતાં વધુ પેકેજ!
Wife Paid for Housework: લોકો ઘરમાં રહેતી સ્ત્રીઓના કામને ઘણીવાર નાની વાત માનતા હોય છે, પરંતુ એક મહિલાએ બતાવ્યું કે ઘરકામ પણ મહત્વપૂર્ણ અને પગાર લાયક કાર્ય છે. ન્યૂ યોર્કની એમ્બર ઓબ્રે નામની ગૃહિણીએ સોશિયલ મીડિયા પર શેર કર્યું કે તે પોતાના પતિ પાસે ઘરકામ માટે નિયમિત પગાર લે છે – અને એ પણ ઓછો નહીં, દર અઠવાડિયે લગભગ ₹2.5 લાખ!
એમ્બર કહે છે કે તે ઘર કામકાજ, રસોઈ, વાસણ ધોવા, સફાઈ અને પોતાના બાળકોની સંભાળ રાખે છે. એ બધું કોઇ મફતમાં નથી કરતી. દરેક કામ માટે તેણે ચોક્કસ રકમ નક્કી કરી છે – વાસણ ધોવા માટે ₹25,000થી વધુ, કપડાં ધોવા માટે ₹11,000થી વધુ અને બાથરૂમ સાફ કરવા માટે ₹20,000થી વધુ. આ સિવાય રાશન લાવવાનું, બાળકોને ભણાવવાનું અને ઘરનું આયોજન કરવાની પણ કિંમત છે.
એમ્બર કહે છે કે જો પતિ પૈસા બચાવવા માગે, તો તેને પોતે આ કામ કરવું પડે. તેના આ વિચારોને અનેક મહિલાઓએ સમર્થન આપ્યું છે કારણ કે એ સમજાવે છે કે ગૃહિણીઓનું કામ પણ માન્યતા અને મૂલ્ય માટે યોગ્ય છે.
આ ઘટના સમાજમાં ઘરકામને લઈને દૃષ્ટિકોણ બદલવાની દિશામાં એક સકારાત્મક પગલું બની શકે છે.
