Women assembling telephones India: ટેલિફોન ઈન્ડસ્ટ્રીમાં મહિલા શક્તિની ઝલક, 1950ના દાયકાની દુર્લભ તસવીરમાં દેખાય છે દેશની નિર્માતાઓ
Women assembling telephones India: સોશિયલ મીડિયા પર હાલમાં 1950ના દાયકાની એક દુર્લભ બ્લેક એન્ડ વ્હાઇટ તસવીર ઝડપથી વાયરલ થઈ રહી છે. આ તસવીરમાં બેંગલુરુ સ્થિત ઇન્ડિયન ટેલિફોન ઇન્ડસ્ટ્રીઝ (ITI)ની કેટલીક મહિલાઓ સાડીમાં પરંપરાગત વેશભૂષામાં ટેલિફોન એસેમ્બલ કરતી નજરે પડે છે. તેમની એકાગ્રતાભરી ભાવ-ભંગિમા માત્ર એક ઐતિહાસિક ક્ષણ જ નહીં, પણ ભારતના ઔદ્યોગિક વિકાસમાં મહિલાઓના યોગદાનની ઝાંખી આપે છે.
ટેકનિકલ ક્ષેત્રમાં મહિલાઓનું મૌન યોગદાન
આ ફોટો X (હવે Twitter) પર ‘ઇન્ડિયન હિસ્ટ્રી પિક્સ’ હેન્ડલ દ્વારા શેર કરવામાં આવ્યો છે. તે મહિલાઓને વર્કસ્ટેશન પર ટેલિફોન યુનિટ તૈયાર કરતા દર્શાવે છે. તે સમયે જ્યારે મોટાભાગની મહિલાઓને મર્યાદિત વ્યવસાયિક અવસરો મળતા હતા, તેવા સમયમાં ટેકનિકલ ક્ષેત્રે તેમનું કાર્ય ખૂબ જ મહત્વપૂર્ણ હતું.
ITI: ભારતના ટેલિકોમ ઈતિહાસની પાયાની ઈટ
ઈન્ડિયન ટેલિફોન ઇન્ડસ્ટ્રીઝ (ITI)ની સ્થાપના 1948માં થઈ હતી અને તે ભારતનું પ્રથમ જાહેર ક્ષેત્રનું સાહસ (PSU) હતું. ટેલિકોમ સાધનોના સ્થાનિક ઉત્પાદનની દિશામાં ITI એ ખૂબ મહત્વની ભૂમિકા ભજવી. આ તસવીર એ સાબિત કરે છે કે દેશમાં ટેકનોલોજીકલ ઉન્નતિમાં મહિલાઓએ પણ સહજ અને મજબૂત પાયો નાખ્યો હતો.
1950s :: Ladies Assembling Telephones at Indian Telephone Industries , Bangalore pic.twitter.com/x108S7iLbv
— indianhistorypics (@IndiaHistorypic) April 9, 2025
સોશિયલ મીડિયા પર ભાવુક પ્રતિસાદ
એક યુઝરે ખૂબ સુંદર રીતે લખ્યું, “રાષ્ટ્રના અવાજ પાછળનો શાંત હાથ.” – જે પંક્તિ સમગ્ર તસવીરનો મર્મ સ્પષ્ટ કરે છે. એ સમયના સમયમાં જ્યારે લોકો ટેકનોલોજીના અવાજને સાંભળી રહ્યા હતા, ત્યારે મહિલાઓ તેનું મૌન નિર્માણ કરી રહી હતી.
આવા ઐતિહાસિક દ્રશ્યો ફક્ત ભૂતકાળ યાદ અપાવવાનું કામ નથી કરતા, પણ તે આજે પણ આપણને પ્રેરણા આપે છે કે આગળ વધવા પાછળ કઈ શક્તિઓ કાર્યરત રહી છે – ખાસ કરીને એ મહિલાઓ, જેમણે ચુપચાપ પણ દેશના ઔદ્યોગિક વિકાસમાં મહત્વપૂર્ણ ભૂમિકા ભજવી.
