PM Modi Varanasi Visit વારાણસીને 3,880 કરોડની ભેટ: PM મોદીના 44 વિકાસ પ્રોજેક્ટ્સનો આરંભ
PM Modi Varanasi Visit પ્રધાનમંત્રી નરેન્દ્ર મોદી આજે તેમના સંસદીય વિસ્તાર વારાણસીની મુલાકાતે છે, જ્યાં તેમણે કુલ ₹3,880 કરોડના ખર્ચે 44 વિકાસ પ્રોજેક્ટ્સનું ઉદ્ઘાટન અને શિલાન્યાસ કર્યું છે. વિકાસના નવા પગરણ સાથે, પીએમ મોદીએ ગ્રામ્ય અને શહેરી વિસ્તારોને આવરી લેતી વિવિધ યોજનાઓ જાહેર કરી.
ગ્રામીણ વિકાસ પર ભાર: પ્રધાનમંત્રીએ 130 પીવાના પાણીના પ્રોજેક્ટ્સ, 100 આંગણવાડી કેન્દ્રો, 356 પુસ્તકાલયો અને પિંડ્રામાં પોલિટેકનિક તથા સરકારી કોલેજનો ઉદ્ઘાટન કર્યો. ઉપરાંત, રામનગરમાં પોલીસ લાઇન અને બેરેકમાં ટ્રાન્ઝિટ હોસ્ટેલ અને ચાર નવા ગ્રામિણ રસ્તાઓનો ઉદ્ઘાટન પણ કરવામાં આવ્યો.
વીજળી અને પાવર ઇન્ફ્રાસ્ટ્રક્ચર: જૌનપુર, ચંદૌલી અને ગાઝીપુર જિલ્લામાં રૂ. 1,045 કરોડથી વધુના બે 400 kV અને એક 220 kV પાવર સબસ્ટેશનનું ઉદ્ઘાટન થયું. ઉપરાંત, ₹775 કરોડના ખર્ચે ચૌકાઘાટ અને ગાઝીપુરમાં નવા સબસ્ટેશનો માટે શિલાન્યાસ થયો.
શહેરી વિકાસ અને બિનમુલ્ય સેવાઓ: શહેરી માળખા વિકાસ માટે પીએમ મોદીએ વી.ડી.એ. દ્વારા હાથ ધરાયેલા સુંદરીકરણના કાર્યો, ફ્લાયઓવર, રોડ બ્રિજ અને એરપોર્ટ ટનલના બાંધકામના પ્રોજેક્ટ્સનું શિલાન્યાસ કર્યું. સ્માર્ટ સિટી મિશન હેઠળ 77 પ્રાથમિક શાળાઓના નવનિર્માણની શરૂઆત પણ કરવામાં આવી.
ઉદ્યોગ અને MSME પર ધ્યાન: મોહનસરાય ખાતે ટ્રાન્સપોર્ટ નગર, યુનિટી મોલ, ગ્રામ પંચાયતોમાં કોમ્યુનિટી હોલ અને ઉદ્યાનોના સુંદરીકરણ સહિત MSME ક્ષેત્રે પણ વિકાસ પ્રોજેક્ટ્સનો સમાવેશ હતો.
રમતગમત અને યુવાનો માટે સુવિધાઓ: ઉદય પ્રતાપ કોલેજ ખાતે ફ્લડ લાઇટ અને દર્શક ગેલેરી સાથે હોકી માટે સિન્થેટિક ટર્ફ તેમજ બે નવા સ્ટેડિયમના બાંધકામની જાહેરાત પણ કરવામાં આવી.
વરિષ્ઠ નાગરિકો અને સ્થાનિક ઉત્પાદનોને માન્યતા: 70 વર્ષથી વધુ ઉંમરના નાગરિકોને “આયુષ્માન વય વંદના કાર્ડ”નું વિતરણ કરાયું. સાથે, તબલા, ઠંડાઈ અને ત્રિરંગી બરફી જેવા GI પ્રમાણપત્ર મેળવેલા સ્થાનિક ઉત્પાદનોને પણ માન્યતા અપાઈ.
જાહેર સભા અને સુરક્ષા વ્યવસ્થા: પીએમ મોદીએ રોહનિયાના મહેંદીગંજ ખાતે એક વિશાળ જાહેર સભાને સંબોધિત કરી. સમગ્ર કાર્યક્રમ માટે 4000થી વધુ સુરક્ષા જવાનો, ડ્રોન દેખરેખ અને CCTV દેખરેખ ગોઠવાઈ હતી.
