DU Students Internship Viral Post: ટોપર હોવા છતાં Internship ના મળી, DUની વિદ્યાર્થીનીની પોસ્ટ થઈ વાયરલ
DU Students Internship Viral Post: બાળપણથી આપણે કહેતા આવ્યા છીએ કે સારું ભણો, સારા ગુણ લાવો અને પછી તમને સરળતાથી સારી નોકરી મળી જશે. પણ શું એ હંમેશાં સાચું સાબિત થાય છે? દિલ્હી યુનિવર્સિટીની એક વિદ્યાર્થીનીનો તાજેતરનો અનુભવ એ ધારણા પર સવાલ ઊભા કરે છે.
અભ્યાસની સાથે કૌશલ્ય પણ જરૂરી છે
દિલ્હીની હંસરાજ કોલેજમાં અંગ્રેજી (ઓનર્સ)નો અભ્યાસ કરતી પ્રથમ વર્ષની વિદ્યાર્થીની બિસ્મા, પોતાનાં શ્રેષ્ઠ ગુણોથી કોલેજની ટોપર છે. છતાં, જ્યારે Internship મેળવવાનો વારો આવ્યો, ત્યારે તેને સફળતા નહોતી મળી. આ તકલીફ વચ્ચે તેણે લિન્ક્ડઇન પર એક ઇમોશનલ પોસ્ટ શેર કરી, જે ખૂબ ઝડપથી વાયરલ થઈ ગઈ.
પોસ્ટમાં તેણે લખ્યું કે, “હું ટોપર છું, પણ Internship મેળવવી હોય તો માત્ર ગુણો પૂરતા નથી પડતા.” એ પછી સમજાયું કે કંપનીઓ માત્ર માર્ક્સ નહીં, પણ પ્રેક્ટિકલ સ્કિલ્સ અને પ્રભાવકારક કામગિરી શોધે છે.
જ્યારે ખરેખર સમજાયું – માર્ક્સ સિવાય પણ છે દુનિયા
બિસ્માએ પોતાનાં શિક્ષકો અને સાગવાળાઓએ આપેલી સલાહોને યાદ કરતા લખ્યું કે, “બધાને લાગતું હતું કે અભ્યાસ જ બધું છે. પણ રિયલ વર્લ્ડમાં એવુ નથી.” કંપનીઓ એવા ટેલેન્ટની શોધમાં છે કે જે તરત કંઈક મૂલ્યવાન પ્રદાન કરી શકે.
પોસ્ટ બન્યું સ્ટુડન્ટ્સનું પ્રતિબિંબ
તેણીનો અનુભવ લખેલી પોસ્ટ એવા ઘણા વિદ્યાર્થીઓ માટે અરીસો બની. અનેક યુઝર્સે કોમેન્ટ કરીને કહ્યું કે તેઓ પણ આવી જ સ્થિતિમાંથી પસાર થયા છે. એક યુઝરે લખ્યું, “મારાં માર્ક્સ સારાં હતા, પણ Internship ત્યારે જ મળી જ્યારે હું સ્ટાર્ટઅપ માટે કામ કરવા લાગ્યો.” બીજાએ લખ્યું, “શાળાઓ અને કોલેજોમાં હજુ પણ સ્કિલ્સ કરતાં માર્કશીટને વધારે મહત્વ આપવામાં આવે છે.”
શીખવા જેવું શું છે?
આ ઘટનામાંથી સ્પષ્ટ છે કે, માત્ર ભણતર નહીં, પણ વ્યવહારુ કૌશલ્ય અને અનુભવ પણ આજના સ્પર્ધાત્મક સમયમાં ખુબ મહત્વપૂર્ણ છે. સ્કૂલ અને કોલેજથી બહાર નીકળતા જ, રિયલ વર્લ્ડ માટે તૈયારી જરૂરી છે — અને એ તૈયારીમાં ‘ટોપર’ હોવું ફક્ત એક ભાગ હોય શકે છે, આખું સાચું નથી.
